Milli Məclisin deputatı İlham Məmmədov, YAP Yevlax rayon təşkilatının sədri Rafiq Əliyev, Azərbaycan Respublikası Milli Qəhrəmanlarını Tanıtma İctimai Birliyinin Yevlax Rayon Nümayəndəliyinin sədri, Vətən müharibəsi iştirakçısı, “Azərbaycan Bayrağı” ordenli Mədəd Süleymanov, Nümayəndəliyin sədr müavini , "Dialoq.Az" saytının rəhbəri, Yazıçı, Azərbaycan Jurnalistlər Birliyinin və Türk Ağsaqqalları İctimai birliyinin üzvü, hərbi ekspert Natiq Əlisoy rayonun Səmədabad kəndində yaşayan Vətən müharibəsi şəhidi, polkovnik-leytenant Məmmədov Soltan Akif oğlunun, Qoyunbinəsi kəndində yaşayan Vətən müharibəsi şəhidləri Hüseynli İbrahim İsa oğlunun, Abışov Fərid Əlfayım oğlunun və Vətən müharibəsi iştirakçısı Bəşirov Manaf Məhərrəm oğlunun ailə üzvlərini ziyarət edib, qayğıları ilə maraqlanıblar.
Görüş çərçivəsində qeyd edilib ki, Vətən müharibəsi Qələbəsi məhz Ölkə Prezidenti, Müzəffər Ali Baş Komandan cənab İlham Əliyevin peşəkar rəhbərliyi ilə cəmi 44 gün ərzində düşmənləri döyüş meydanında məhv edən güclü Azərbaycan Ordusunun rəşadəti nəticəsində əldə olunub. Tariximiz və Vətənimiz qarşında misilsiz xidmətlər göstərmiş qəhraman oğullarımız xalqımızın qəlbində sonsuz sevgi qazanmışdır. Qeyd edilib ki, Bu gün Şəhid ailələrinə, qazilərimizə və müharibə veteranlarına göstərilən xüsusi diqqət və qayğı Azərbaycanda həyata keçirlən müdrik dövlət siyasətinin prioritet istiqamətlərindən biridir. Bu gün “Böyük Qayıdış” proqramının icrası uğurla həyata keçirilir və işğaldan azad olunun əzəli torpaqlarımızda genişmiqyaslı bərpa-quruculuq işləri aparılır, bir sözlə;- Qarabağ cənnətə çevrilir. Azərbaycan xalqı və dövləti var olduqca igidlərimizin də əziz xatirəsi daim əziz tutlacaq, ehtiramla yad ediləcəkdir.
Görüşdə həmçinin torpaqlarımızın bütövlüyü uğrunda canlarını fəda etmiş qəhrəmanlarımızın şərəfli döyüş və mənalı ömür yolundan geniş bəhs edilib.
Şəhid ailəsinin nümayəndələri göstərilən diqqət və qayğıya görə Azərbaycan Respublikasının Prezidenti, Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya dərin minnətdarlıq hissini ifadə ediblər.

Dialoq.Az