"Dialoq.Az" xəbər verir ki,  bu gün  Yeni Yazarlar və Sənətçilər İctimai Birliyində yazıçı-kulturoloq Aydın Xan Əbilovun rəhbərliyi, yazıçı-şair, ehtiyatda olan zabit Natiq Əlisoyun və yazıçı-şair Nurəddin Ədiloğlunun iştirakı ilə 44 günlük Zəfərimizdən sonra qələmə alınmış əsərlərin, bədii hadisələrin müzakirəsi keçirilib və bu istiqamətda görülən işlərdən danışılıb. Müzakirədə Yeni Yazarlar və Sənətçilər İctimai Birliyi və Mir Cəlal Paşayev adına Milli Virtual Kitabxananın təqdimatında
“Zəfərnamə”, "Qələbə" mövzulu kitabların e-nəşri, yayımı, təbliği və virtual sərgisi gənclərimizdə milli ruhun inkişafına və onlarda vətənpərvərlik hisslərinin yüksəlməsinə böyük, əvəzolunmaz müsbət təsir etməsi alqışla qarşılanıb. Qeyd edək ki, bu elektron nəşrlər Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2022-ci il üçün qrant müsabiqəsində qalib olmuş, Yeni Yazarlar və Sənətçilər İctimai Birliyinin reallaşdırdığı, www.kitabxana.net - Mir Cəlal Paşayev adına Milli Virtual Kitabxananın texniki-yaradıcı yardımıyla icra edilən, “Zəfərnamə”, "Qələbə" mövzulu kitabların e-nəşri, yayımı, təbliği və virtual sərgisi kreativ layihəsi çərçivəsində hazırlanaraq yayımlanır.

Natiq Əlisoy