Dəyərli dostlar! Bildiyiniz kimi Yeni Yazarlar və Sənətçilər İctimai Birliyində (YYSİB) yaradıcı Şəhid ailələri, Qazilər və Hərbçilərlə İş Üzrə yeni Departament təsis edilib. Departamentin təsis edilməsi YYSİB-nin sədri yazıçı-kulturoloq hörmətli Aydınxan müəllim Əbilovun və mənim təşəbbüsüm ilə reallaşmışdır. Departamentin sədri mən yazıçı-şair, Azərbaycan Jurnalistlər Birliyinin (AJB) üzvü, Qızıl qələm mükafatçısı, hərbi ekspert Natiq Əlisoy. Departamentin yaradılmasında əsas məqsəd yaradıcı (Elmi, texniki, bədii və s.) Şəhid ailələri, Qazilər və Hərbçiləri bir araya yığmaq, tanıtmaq və onlara dəstək olmaqdır. Departamentin nizamnaməsi (qaydaları, idarə heyəti və üzvlük məsələləri) üzərində hal-hazırda işlər aparılır və bu barədə mütəmadi Sizlərə əlavə məlumat veriləcək. Buyurub müraciət edə bilərsiniz. Özünüz haqqında (ad, soyad, ata adı, yaşayış yeriniz, fəaliyyətiniz və yaradıcılığınız) məlumatları göndərin, oxunub analiz edildikdən sonra Sizlərə əlavə məlumat veriləcək. Müraciətinizə gec cavab verilərsə bu sizi narahat etməsin. Bütün müraciətlərə ardıcıl cavab veriləcək. Nəzərinizə çatdırım ki, üzvlük, təbliğat və s. üçün heç bir maddiyat tələb olunmur. Elmi, texniki, bədii yaradıcılığı olan Şəhid ailələri, Qazilər və hərbçilər bizə müraciət edə bilər.
Əlaqə: WhatsApp 050-768-77-17
_________________________________________
Yazıçı-şair, AJB-nin üzvü, YYSİB Şəhidlərin Ailə Üzvləri, Qazilər və Yaradıcı Hərbçilərlə İş Departamentinin sədri Natiq Əlisoy