1 iyun "Uşaqların Beynəlxalq Müdafiəsi Günü" ölkəmizin bütün regionlarında olduğu kimi Azərbaycanın dilbər guşələrindən biri olan Naxçıvan Muxtar Respublikasında da təntənə ilə qeyd olundu. 1 iyun 2022-ci il tarixdə Naxçıvan Muxtar Respublikası, Naxçıvan şəhər Ə.Ağayev adına 8 nömrəli tam orta məktəbinin 2(a) sinif şagirdləri ilə keçirilən tədbir də belə tədbirlər sırasındadır. Məktəb rəhbərliyinin, valideynlərin və körpə balaların iştirakı ilə keçirilən tədbirdə "Nağıllar aləminə səyahət" rublikası, gül balaların ifasında təqdim olunan müxtəlif nağıl obrazları tədbirə xüsusi zövq qatdı. Tədbirin sonunda məktəbin direktoru Günay xanım Novruzova,  direktorun müavini Səadət xanım, sinif rəhbəri Ruhiyyə xanım Həsənova çıxış edərək uşaqları təbrik etdi və onlara diplomlar təqdim olundu. Valideynlər adından çıxış edən yazıçı, şair, jurnalist Natiq Əlisoy  uşaqları 1 iyun "Uşaqların Beynəlxalq Müdafiəsi Günü" münasibəti ilə təbrik etdi və tədbirin yüksək səviyyədə təşkil olunmasına görə məktəb rəhbərliyinə minnətdarlıq bildirdi.