YAP Gəncə təşkilatının  sədri cənab Ramil Orucova.
Çox hörmətli Ramil müəllim! Yazıb sizə bildirirəm ki, bütün Azərbaycan ictimayyətinə məlumdur ki,  Gəncə şəhəri həmişə Azərbaycanın musiqi və mədəniyyətinin beşiyi sayılıb. Böyük dahi musiqi korifeyləri görkəmli bəstəkarlar və dahi musiqiçilər o cümlədən Məşədi Cəmil Əmirov, Fikrət Əmirov, Qənbər Hüseynli, Zərif  Qayıbov, Ələkbər Tağıyev,Telman Hacıyev, Nərman Əzimov və s. talehi Gəncə ilə bağlıdır. Bu adamlar Gəncə şəhərində yaşamış və böyük monimental əsərlər yaratmışlar. Bu gün də Gəncədə ənənəvi olaraq istedadlı musiqiçilər var və yetişməkdədir. Bunlardan biri istedadlı Gənc bəstəkar Əmirov Elnur Elşən oğludur (Elnur Baxış). Son vaxtlar Elnur Baxışın bəstələdiyi zövq oxşayan populyar mahnıları tanınmış müğənnilər tərəfindən musiqi səhnələrində ifa olunur. O cümlədən Leyla Əliyevanın şeirlərinə də çox gözəl musiqilər bəstələmişdir, həmin musiqini respublika muğam müsabiqəsinin qalibi Kamilə Nəbiyeva ifa etmişdir.
Bu baxımdan sizdən xahiş edirəm ki, bu müsbət qabiliyyət və  keyfiyyətlərini nəzərə alaraq gənc bəstəkar və YAP-ın üzvü Elnur Baxışı Gəncə Dövlət Filarmoniyasında səlahiyyətli bir işlə təmin olunması üçün Azərbaycan Mədəniyyət Nazirliyi və ya Gəncə regional mədəniyyət idarəsi qarşısında məsələ qaldırıb  ona yaxından köməklik edəsiniz.
Həsənov İlham Musaoğlu,
Azərbaycan Respublikanın Əməkdar müəllimi, Prezident mükafatçısı AYB-AJB-AAB-birliklərinin üzvü, Gəncə şəhər veteranlar şurasının üzvü ,1995-ci ildən YAP-ın üzvü.