Özbəkistanda Nərgiz Əsəd adında  tanınmış bir şairə yaşayır. Şairə-publisist Nərgiz Əsəd 1984-cu ildə Özbəkistanın Daşkənd bölgəsində doğulub. Orta məktəb illərindən Özbəkistanda qəzet və jurnallarda yazıları çap olur. Daşkənd Dövlət Mədəniyyət Universitetində oxuyarkən yaradıcı tədqiqatlar aparmış və "Səadət mənzili" adlı məqalələr toplusu çap etdirmişdir.Tələbəlik illərində Özbəkistanda tanınan ən məşhur qəzetlərdən Özbəkistan ədəbiyyatı və Sənəti, "Hürriyyət" , "Mərifət", "Türküstan, "Daşkənd həqiqəti", "Daşkənd axşamı" və başqa bu kimi qəzetlərdə yazıları çap olub. "İllər içində Eşqin sərhəddi (Ürəyimin sərhədləri), Günlər və Nəşrlərin şeir kitabları çap olub. 2020-ci ildə "Müjdə" kitabı Türkiyənin İstanbul şəhərində Türkiyə türkcəsində çap olub. 2021-ci ildə Özbəkistan-İstanbul baş konsulluğunda, İstanbul türk mədəniyyət mərkəzində kitabının təqdimatı keçirilmişdir. Helva adlı şeirlər kitabı özbək və türk türkçəsində çap olub, Özbəkistan və  Türkiyədə universitetlərdə oxudulmaqdadır. Özbək və türk türkçəsində danışır. Yazıları Türkiyədə, Rusiyada, Qırğızıstanda, Qazaxıstanda çap olub. Özbəkistan və Azərbaycan Yazıçılar Birliklərinin üzvü, Filalogiya elmlər doktoru Almaz Ülvü, Nərgiz Əsədi özbək şeirinin fidanlarındandır adlı məqalə yazmışdır. Bu yaxınlarda Nərgiz Əsədin şeirlərini Azərbaycanda "Müstəqil.az" saitində azəri türkcəsiylə Təbrizdə çıxan "Ədəbi körpü" saitində ərəb əlifbasında çap etdirdim. Özbəkistan Yazıçılar Birliyinin idarə heyətinin üzvüdür, hazırda  Özbəkistan Yazıçılar birliyində  ədəbi iş birliyi şöbəsində çalışır. Özbəkistanın tanınmış və sevimli gənc yazarlarındandır. Dəyərli qələm dostuma can sağlığı və uzun ömür arzulayıram. Özbəkistan da görüşmək ümidiylə.

Elnur Baxış
Yazıçı, folkorşunas, bəstəkar,
AJB, AAB üzvü