10.09.2023-cü il saat 03:50 radələrində Yevlax şəhərində güclü partlayış səsi eşidilib. Bu barədə hərbi ekspert Natiq Əlisoy Dialoq.az xəbər saytına açıqlama verib.

O bildirib ki, düzdür, qeyd olunan tarixdə və saatda Yevlax şəhərində güclü partlayışa bənzər səs eşidildi və mən şəxsən bu partlayışı eşitdim, dərhal həmin anda fəzanı və hava şəraitini analiz etdim. Bildirmək istəyirəm ki, 10.09.2023-cü il tarixdə demək olar ki, səhərə qədər meteoşərait dəyişkən olub, davamlı yağış yağıb, şimşək çaxıb. Məss həmin güclü partlayış səsinə bənzər səs isə həmin göy gurultusunun səsi idi. Təsadüfdən göy gurultusunun səsi elə oldu ki, sanki artilleriya atəşinin səsinə bənzədi. Bir çox mənbələr yazır ki, guya hava hücumundan müdafiə sistemlərimiz düşmənin raket zərbəsinə qarşı atəş edib. Bu tamamilə əsassızdır. Qeyd etmək istəyirəm ki, narahatçılığa ehtiyac yoxdur,-Deyə hərbi ekspert bildirib.

Dialoq.az