“Azcon Holding” şirkətlərindən olan “BakuBus” MMC 2025-ci il ərzində fəaliyyətini uğurla davam etdirərək ümumilikdə 200 milyon sərnişinə xidmət göstərib.

Bu göstərici paytaxtda ictimai nəqliyyat üzrə xidmət keyfiyyətinin yüksəldilməsi və sərnişin məmnunluğunun təmin edilməsi istiqamətində həyata keçirilən ardıcıl tədbirlərin nəticəsidir.

Keçdiyimiz milyonlarla kilometr yol boyunca ən böyük qazancımız sərnişinlərin “BakuBus” xidmətlərinə göstərdiyi inam və etimad olub. Hər gün minlərlə insanın “BakuBus”ı seçməsi fəaliyyətimizə olan etimadın göstəricisidir.

“BakuBus” MMC təhlükəsiz, rahat və əlçatan nəqliyyat xidmətinin göstərilməsi, istismarda olan marşrutlar üzrə xidmət keyfiyyətinin artırılması və müasir xidmət standartlarının tətbiqi istiqamətində fəaliyyətini davam etdirəcək.

200 milyon dəfə “BakuBus”ı seçdiyiniz, bizi yol yoldaşınız etdiyiniz üçün hər bir sərnişinimizə təşəkkür edirik.
Dialoq.az