Suriya ordusu inteqrasiyadan imtina edən PKK terror təşkilatının qanadı SDQ-YPG-yə qarşı əməliyyata hazırdır.

Dialoq.az xəbər verir ki, bu barədə “Türkiyə” qəzeti məlumat yayıb.

Belə ki,SDQ/YPG terror təşkilatına verilən vaxt dekabrın 31-də başa çatır.

“Suriya ordusunda kimin harada olacağı, hansı silah və hansı diviziyanın harada yerləşdiriləcəyi ilə bağlı bütün hazırlıq tamamlanıb”, - nəşr yazıb.

PKK lideri Abdullah Öcalan da vəziyyətin həssaslığını nəzərə alaraq, SDQ-yə struktur və mövqelərin Dəməşqə təhvil verilməsinə dair mesaj göndərib.

SDQ-YPG-nin siyasi qanadı PYD-nin liderlərindən İlham Əhmədin altı aydır ABŞ rəsmiləri ilə görüşə bilmədiyi qeyd edilir: “Əvvəllər PYD üzvlərinin bütün maaşları ABŞ Mərkəzi Komandanlığı (CENTCOM) tərəfindən ödənilirdi, təşkilatdan bildirilib ki, ABŞ və digər Qərb ölkələrindən ödənişlər dayandırılıb, yalnız İsraildən dəstək alırlar”.

SDQ-YPG mümkün əməliyyatlarla bağlı Dəməşqi təhdid edib: “Əməliyyat başlasa, Suriyanın strateji nöqtələrini vuracağıq”.

Suriya rəhbərliyi isə əməliyyata hazırlaşır. Əhməd Şaraa administrasiyası bu əməliyyatın qaçılmaz olduğunu bilir. Dəməşq bir həftə ərzində SDQ-YPG-dən Hələb, Tabka, Raqqa və Deyr əz-Zordan çəkilməsini tələb edib.
Dialoq.az