Memar Əcəmi Naxçıvaninin 900 illik yubileyinə həsr olunan mötəbər beynəlxalq elmi platforma Naxçıvan Dövlət Universiteti və Mingəçevir Dövlət Universitetinin birgə təşkilatçılığı ilə, Türkiyə, Macarıstan, Özbəkistan və Azərbaycanın nüfuzlu ali təhsil müəssisələrinin tərəfdaşlığı fonunda mühüm akademik əməkdaşlıq nümunəsinə çevrilib.

Konfransın təşkili məqsədi və istiqamətləri:
1. Mədəni irsin qorunması və dayanıqlı turizm sahəsində beynəlxalq elmi dialoqun gücləndirilməsi;
2. Türk dünyasının ortaq mədəni dəyərlərinin elmi əsaslarla tanıdılması, qorunması və gələcək nəsillərə ötürülməsi;
3. Mingəçevir və Naxçıvan şəhərlərinin zəngin tarixi-mədəni irsi və turizm potensialının genişləndirilməsində Türkiyə təcrübəsinin öyrənilməsi ilə dayanıqlı turizm strategiyalarının inkişafı və regional iqtisadi potensialın gücləndirilməsi;
4. Ağıllı turizm, qonaqpərvərlik idarəçiliyi, innovasiya, ekoloji dayanıqlılıq və sosial-humanitar yanaşmalar üzrə müasir elmi müzakirələrin təşviqi;
5. Universitetlərarası elmi tərəfdaşlığın genişləndirilməsi və beynəlxalq akademik inteqrasiyanın daha da dərinləşdirilməsi.

Konfrans MDU-nun beynəlxalqlaşma strategiyası, elmi tərəfdaşlıq imkanlarının genişləndirilməsi və Türk dünyasının ortaq akademik-mədəni dəyərləri ətrafında yeni əməkdaşlıq platformalarının formalaşdırılması baxımından mühüm əhəmiyyət daşıyır.

Keçirilən konfransda Mingəçevir Dövlət Universitetinin rektoru Anar Eminov səmimi qonaqpərvərliyə, yüksək təşkilatçılığa və peşəkar ev sahibliyinə görə Naxçıvan Dövlət Universitetinin rektoru Elbrus İsayev başda olmaqla bütün tərəfdaş qurumlara təşəkkür edib, konfransın işinə uğurlar arzulayıb.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

Dialoq.az