YAP Yevlax rayon təşkilatının inzibati binasında YAP Yevlax rayon təşkilatının və Yevlax Su Meliorasiya Sistemlərinin İstismarı İdarəsinin birgə təşkilatçılığı ilə “İlham Əliyev: Sözü imzası qədər dəyərli olan yeni əsrin yeni Lideri” mövzusunda tədbir keçirilib.

Tədbirdə YAP Yevlax rayon təşkilatının sədri Rafiq Əliyev, Yevlax Su Meliorasiya Sistemlərinin İstismarı İdarəsinin rəisi vəzifəsini icra edən Ruslan Şıxalıyev, rayon təşkilatı Aparatının əməkdaşları, meliorasiya sahəsində çalışan əməkdaşlar və gənclər iştirak ediblər.

Azərbaycan Respublikasının Dövlət Himninin səsləndirilməsi ilə tədbir açıq elan olunub.
Əvvəlcə müasir müstəqil Azərbaycan Respublikasının və Yeni Azərbaycan Partiyasının qurucusu Ümummilli Lider Heydər Əliyevin və torpaqlarımızın bütövlüyü uğrunda canlarını fəda etmiş qəhrəman şəhidlərimizin əziz xatirəsi bir dəqiqəlik sükutla yad edilib.

Ölkə Prezidenti, Yeni Azərbaycan Partiyasının Sədri, Müzəffər Ali Baş Komandan cənab İlham Əliyevin müdrik siyasi fəaliyyətindən bəhs edən videoçarx nümayiş etdirilib.

Tədbirdə giriş nitqi ilə çıxış edən yerli təşkilatın sədri Rafiq Əliyev qeyd edib ki, qüdrətli Azərbaycana dahi Heydər Əliyev yolunun layiqli davamçısı cənab İlham Əliyev başçılıq edir. Ulu Öndər Heydər Əliyevin güclü siyasəti Azərbaycanda yaşayır və qalib gəlir. Azərbaycan xalqının iradəsini ifadə edən Partiyamızın Sədri cənab İlham Əliyev müstəqil Azərbaycanın Prezidenti, həm də dünya azərbaycanlılarının lideridir. Prezident İlham Əliyevin qətiyyətli və məqsədyönlü fəaliyyəti nəticəsində Azərbaycanın Müzəffər Ordusu 30 illik işğala son qoydu. Bu gün Azərbaycanın ərazi bütövlüyü və müstəqilliyi tam şəkildə bərpa olunub. Qarabağ və ətraf digər rayonlarımız cənnətə çevrilir, “Böyük Qayıdış” proqramı uğurla davam etdirilir. 2024-cü ilin fevralında bütöv Azərbaycan ərazisində keçirilən prezident seçkilərində cənab İlham Əliyevin yüksək səs faizi ilə növbəti dəfə qalib gəlməsi məhz Lider və xalq birliyinin təzahürü idi. Qürurla qeyd edə bilərik ki, bu gün Azərbaycan cənab İlham Əliyevin ali rəhbərliyi altında firavan gələcəyə doğru uğurla addımlayır.

Tədbirdə çıxış edən Yevlax Su Meliorasiya Suvarma Sistemlərinin İstismarı İdarəsinin rəisi vəzifəsini icra edən Ruslan Şıxalıyev bildirib ki, bəli, Ulu Öndər Heydər Əliyevin siyasi mirası olan Yeni Azərbaycan Partiyası dünənin, bu günün və gələcəyin partiyasıdır. Ümummilli Lider Heydər Əliyevin siyasi kursuna sadiq olan möhtərəm Prezident İlham Əliyevin düzgün və məqsədyönlü siyasəti nəticəsində bu gün müstəqil Azərbaycanın hərtərəfli inkişafı təmin olunub. Vurğulanıb ki, bütün sahələrdə olduğu kimi dövlət başçısının diqqət və qayğısı nəticəsində su, meliorasiya sahəsində də böyük nailiyyətlər əldə olunub. Bizim hər birimiz Prezident İlham Əliyevin ətrafında sıx birləşməklə öz təhlükəsiz gələcəyimizi təmin edəcək və daha böyük uğurlara imza atacağıq.

Sonda Yeni Azərbaycan Partiyasının ictimai-siyasi həyatındakı səmərəli fəaliyyətinə görə bir qrup partiya fəalı YAP Yevlax rayon təşkilatının fəxri fərmanı ilə təltif olunub, həmçinin partiya sıralarına yeni qoşulan üzvlərə partiya vəsiqələri təqdim edilib.

















Dialoq.az