Aprel döyüşləri mövzusu ilə əlaqədar Yevlax rayon Malbinəsi kəndində ”2016-cı il Aprel döyüşləri-Böyük zəfərin başlanğıcıdır!” adlı oxucu konfransı keçirilib. Bu barədə Yevlax rayon Malbinəsi kənd tam orta məktəbi özünün Facebook sosial şəbəkə hesabında paylaşım edib.
Tədbirdə Aprel döyüşlərində və Vətən müharibəsində şəhid olan soydaşlarımızın xatirələri bir dəqiqəlik sükutla yad edilib.
Psixoloq Camalova Şükufə, təşkilatçı Şirinova Səadət, tarix müəllimi İbrahimova Aytən, kitabxana müdiri Nağıyeva Sevda Aprel döyüşləri bütün dünyaya Azərbaycan Ordusunun gücünü, qələbə əzmini, ədalətin bərpa olunacağını göstərdiyindən, düşmənə layiqli cavab olduğundan və bir çox ölkələrə nadir nümunə olduğundan danışaraq maraqlı çıxışlar ediblər.
Məktəbin şagirdləri Aprel döyüşləri, bu döyüşlərdə şəhid olan qəhrəman oğullar haqqında təqdimat və şeirlərlə çıxışlar ediblər.


Dialoq.az