Dekabrın 9-da elektrik enerjisinin orta qiyməti noyabrın ortalarından bəri iş günü üçün ən aşağı səviyyəyə düşüb.
Fransada elektrik enerjisinin qiymətləri müvəqqəti olaraq sıfıra düşüb, çünki qeyri-adi isti hava istilik elektrik enerjisinə tələbatı azaldıb və güclü küləklər külək enerjisi istehsalını artırıb. Bu, nüvə elektrik stansiyalarının 85 faiz gücündə işləməsi ilə birlikdə şəbəkədə artıqlıq yaradıb.

Dialoq.az bildirir ki, “Bloomberg“ nəşri Avropa elektrik birjası “Epex Spot”un məlumatlarına istinadən qeyd edir ki, dekabrın 8-də Fransadakı istehlakçılar gün ərzində bazarda müəyyən saatlarda elektrik enerjisini pulsuz ala biliblər (yəni, elektrik enerjisi alan istehlakçılar onu ertəsi gün alırlar).

"Çərşənbə axşamı elektrik enerjisinin orta qiyməti noyabrın ortalarından bəri həftə içi ən aşağı səviyyəyə düşüb", - jurnalistlər əlavə ediblər.

Bundan əlavə, dekabrın 9-da Fransada elektrik enerjisinə tələbatın pik həddi əvvəlki həftədəki 69 giqavatdan 62 giqavatta düşüb.

Jurnalistlər qeyd edirlər ki, Avropada bərpa olunan enerji istehsalının artması şəbəkədə elektrik enerjisinin artıqlığına səbəb olur və bu da öz növbəsində, xüsusən də tələbatın aşağı olduğu dövrlərdə elektrik enerjisinin qiymətlərinin aşağı düşməsinə səbəb olur.
Dialoq.az