Moskva vilayətinin “Crocus City Hall” konsert salonunda baş verən atışmada ölənlərin sayının 15-ə, yaralananların sayının isə 50-yə çatdığı bildirilib.
Dialoq.az Oxu.az-a istinadən xəbər verir ki, bu barədə “Readovka” “Telegram” kanalı məlumat yayıb.

Qeyd edək ki, konsert salonunda partlayış baş verib və tavan çöküb. Eyni zamanda silahlı iki nəfərin konsert salonuna daxil olaraq insanlara atəş açmasının görüntüləri də yayılıb.
21:42
Rusiyanın Moskva oblastının Krasnoqorsk şəhərində yerləşən “Krokus Siti Holl”da insanlara atəş açılıb.
Bu barədə “Mash” “Telegram” kanalı məlumat verib.
Məlumata görə, hadisə nəticəsində 12 nəfər ölüb, 35 nəfər yaralanıb.
Şahidlərin sözlərinə görə, naməlum şəxs avtomat silahdan insanlara atəş açmağa başlayıb. Hazırda ərazidə genişmiqyaslı yanğın başlayıb.


Dialoq.az