https://dialoq.az/ Gündəm - Dialoq.az[shortrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html Gündəm / Bölgə admin Sat, 01 Aug 2026 23:37:42 +0400 [/shortrss] [fullrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html ]]> admin Sat, 01 Aug 2026 23:37:42 +0400 [/fullrss] [yandexrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html Gündəm / Bölgə Sat, 01 Aug 2026 23:37:42 +0400
1 avqust 2026-cı il tarixində Mingəçevir şəhər Gənclər Evində Azərbaycan Jurnalistlər Birliyinin rəhbərliyi, EL TV-nin təşkilatçılığı ilə Mərkəzi Aran regionunda fəaliyyət göstərən media nümayəndələri ilə görüş keçirilib.
Görüşdə Azərbaycan Jurnalistlər Birliyinin sədri Elçin Şıxlı, Birliyin İdarə Heyətinin üzvləri və Mərkəzi Aran regionunda fəaliyyət göstərən media subyektlərinin nümayəndələri iştirak ediblər. Görüşün əsas məqsədi region mediasının mövcud vəziyyətini, onun qarşılaşdığı problemləri, media nümayəndələrinin üzləşdiyi çətinlikləri müzakirə etmək, onların təklif və təşəbbüslərini dinləmək olub.

Tədbirdə çıxış edən Azərbaycan Jurnalistlər Birliyinin sədri Elçin Şıxlı müasir medianın qarşısında dayanan əsas problemlərdən danışıb. O, medianın bugünkü vəziyyətinə toxunaraq dezinformasiyanın yayılması, qeyri-peşəkar yanaşmalar, reket jurnalistika və digər mənfi tendensiyaların media mühitinə təsirlərindən bəhs edib. Elçin Şıxlı bildirib ki, sağlam media mühitinin formalaşdırılması üçün peşəkar jurnalistikanın inkişafına, jurnalistlərin maarifləndirilməsinə və media subyektlərinin fəaliyyətinə daha ciddi diqqət göstərilməsinə ehtiyac var. Görüş zamanı region mediasının problemləri geniş müzakirə olunub. Mərkəzi Aran regionunda fəaliyyət göstərən jurnalistlər onları narahat edən məsələləri səsləndirib, təklif və xahişlərini Azərbaycan Jurnalistlər Birliyinin rəhbərliyinin diqqətinə çatdırıblar.

Görüşdə çıxış edən media nümayəndələri regionlarda fəaliyyət göstərən media subyektlərinə diqqətin artırılmasının vacibliyini vurğulayıblar. Qeyd olunub ki, regionlarda sağlam və peşəkar medianın formalaşması yalnız jurnalistlərin öz fəaliyyətindən deyil, həm də onların çalışdığı informasiya mühitindən, dövlət qurumları ilə media arasındakı münasibətlərdən və ictimaiyyətin mediaya yanaşmasından asılıdır. Bu baxımdan region mediasının inkişafına dəstək verilməsi, jurnalistlərin peşəkarlığının və media savadlılığının artırılması istiqamətində müxtəlif təlimlərin, seminarların və maarifləndirici tədbirlərin keçirilməsi təklif olunub. Eyni zamanda dövlət qurumları ilə media arasında informasiya mübadiləsinin daha sağlam və operativ qurulmasının vacibliyi diqqətə çatdırılıb.

Görüşdə çıxış edən yazıçı, Azərbaycan Yazıçılar Birliyinin və Azərbaycan Jurnalistlər Birliyinin üzvü, Dialoq.az xəbər saytının təsisçisi və baş redaktoru Natiq Əlisoy regional medianın qarşılaşdığı problemlərdən danışaraq Azərbaycan Jurnalistlər Birliyinin regional bölmələrinin yaradılmasının vacibliyini qeyd edib. Natiq Əlisoy qeyd edib ki, Azərbaycan Jurnalistlər Birliyinin regional bölmələrinin yaradılması region mediasının problemlərinin vahid platformada müzakirə olunmasına imkan verə bilər. O bildirib ki, həmin bölmələr vasitəsilə region jurnalistlərinin qarşılaşdıqları problemlər sistemləşdirilə, aidiyyəti qurumların diqqətinə çatdırıla və onların həlli istiqamətində ardıcıl fəaliyyət həyata keçirilə bilər.

Görüşdə regionlarda fəaliyyət göstərən media subyektlərinin stimullaşdırılması, onların maddi və mənəvi baxımdan dəstəklənməsi məsələsi də gündəmə gətirilib. Bildirilib ki, region mediasının yaşaması və inkişaf etməsi üçün yalnız peşəkar jurnalistlərin olması kifayət deyil. Eyni zamanda onların fəaliyyət göstərməsi üçün normal iqtisadi və informasiya mühiti də yaradılmalıdır. Media nümayəndələri regionlarda jurnalistikanın nüfuzunun artırılması, media savadlılığının yüksəldilməsi, peşəkar jurnalistikanın təşviqi və sağlam media mühitinin formalaşdırılması istiqamətində daha çox layihələrin həyata keçirilməsinin vacibliyini vurğulayıblar.

Dialoq.az [/yandexrss][shortrss] https://dialoq.az/gundem/3972-100-yaxin-hrbci-nazirlr-kabinetindn-sikaytcidir-konstitusiya-mhkmsin-muracit-edildi.html https://dialoq.az/gundem/3972-100-yaxin-hrbci-nazirlr-kabinetindn-sikaytcidir-konstitusiya-mhkmsin-muracit-edildi.html Gündəm / Sosial admin Thu, 30 Jul 2026 12:42:09 +0400 [/shortrss] [fullrss] https://dialoq.az/gundem/3972-100-yaxin-hrbci-nazirlr-kabinetindn-sikaytcidir-konstitusiya-mhkmsin-muracit-edildi.html https://dialoq.az/gundem/3972-100-yaxin-hrbci-nazirlr-kabinetindn-sikaytcidir-konstitusiya-mhkmsin-muracit-edildi.html ]]> admin Thu, 30 Jul 2026 12:42:09 +0400 [/fullrss] [yandexrss] https://dialoq.az/gundem/3972-100-yaxin-hrbci-nazirlr-kabinetindn-sikaytcidir-konstitusiya-mhkmsin-muracit-edildi.html Gündəm / Sosial Thu, 30 Jul 2026 12:42:09 +0400
44 Günlük Vətən Müharibəsinin 100-ə yaxın iştirakçısı Nazirlər Kabinetinin 420 nömrəli Qərarının qanunsuz hesab edilməsini istəyir. "Gununsesi.info"nun xəbərinə görə, onlar bu məqsədlə Konstitusiya Məhkəməsinə şikayət edib.

ŞİKAYƏTİN MƏTNİNİ OLDUĞU KİMİ SİZLƏRƏ TƏQDİM EDİRİK:

"Saytımıza təqdim olunan müraciətdə hərbçilər bildirir ki, NK- nın 420 saylı 30.12.2021 tarixli qərarı Konstitusiyaya və “Veteranlar haqında” qanuna zidd olduğu üçün Konstitusiya Məhkəməsi həmin qərarın Konstitusiyaya və qanuna uyğunluğunu yoxlamalıdır.
“Bildiririk ki, biz Ali Baş Komandanın əmri ilə 44 günlük Vətən Müharibəsinə çağrıldıq, konkret döyüştapşırıqları aldıq və 44 günlük Vətən Müharibəsi dövründə və ondan sonrakı dönəmdə döyüş əməliyyatları aparan “N” saylı hərbi hissə və ya orqanların tərkibində hərbi xidmətdə olduq.
Lakin bu günə qədər biz zabit və əsgərlərə Müharibə veteranı adı verilməmişdir. Belə ki, Nazirlər Kabineti Vətən Müharibəsinin bitməsindən 13 ay sonra 420 nömrəli Qərarını qəbul etməklə biz əsgər və zabitlərə müharibə veteranı adının verilməsini əngəlləmiş oldu və nəticədə bizim hüquqlarımız pozuldu, bizə ağır və bərpaedilməz zərər vuruldu.

Buna görə də cari ilin may ayında ehtiyyatda olan 88 əsgər və zabit olaraq, biz Konstitusiya Məhkəməsinə ərizə ilə müraciət etdik ki, bizə vurulmuş ağır və bərpaedilməz zərəri aradan qaldıraq və hüquqlarımız bərpa edilsin. Bu qərar həm də Konstitusiyanın 149-cu maddəsinin Vİİ hissəsinə ziddir, çünki 420 nömrəli qərar müharibə bitəndən 13 ay sonra qərar qəbul edilərək bizim hüquqi vəziyyətimizi daha da ağırlaşdırmışdır.
Həm də nəzərə almaq lazımdır ki, Vətən müharibəsi bitəndən sonra bizim hüquqi vəziyyətimizi məhdudlaşdırmamaq üçün oxşar ictimai münasibətləri tənzimləyən və həmin dövrdə, eləcə də indi də qüvvədə olan “Veteranlar haqqında” Qanunun 3-cü maddəsindəki, eləcə də dəyişiklik edilənə qədər köhnə redaksiyada qüvvədə olmuş Nazirlər Kabinetinin 216 saylı qərarındakı normalar bizə tətbiq edilməli idi. Yəni ən azından “Veteranlar haqqında” Qanunun 3-cü maddəsində və Nazirlər Kabineti 216 saylı qərarında sovet əsgər və zabitləri ilə bağlı qəbul edilmiş normalar bizə şamil edilməli və bizə də Müharibə veteranı statusu verilməli idi.
Necə ola bilir ki, 1995-ci ildə Nazirlər Kabineti qəbul etdiyi 216 saylı qərarı ilə 1941-1945-ci illərdə döyüş əməliyyatlarında iştirak etməmiş, sadəcə müharibə dövründə hərbi xidmətə çağrılmış sovet əsgər və zabitlərinə müharibə veteranı statusunu verə bilir, amma bizə yox?

Konstitusiya Məhkəməsinə verdiyimiz ərizədə qaldırdığımız məsələlərdən biri də budur ki, Nazirlər Kabinetinin 420 nömrəli qərarı həm də Nazirlər Kabinetinin əvvəllər qəbul etdiyi, yəni 1995-ci il 22 sentyabr tarixində qəbul etdiyi 216 nömrəli Qərarına da zidd olmuşdur. Belə ki, 216 nömrəli qərarla təsdiq edilmiş “Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnamə”nin 1-ci hissəsinin 9-cu abzasında yazılıb ki, “döyüş əməliyyatları aparan hərbi hissə və ya orqanların tərkibində hərbi xidmət keçmiş şəxslərə” də müharibə veteranı adı verilməlidir. 216 nömrəli qərarın 9-cu abzasına görə biz 44 günlük Vətən Müharibəsi dövründə döyüş əməliyyatları aparan hərbi hissə və ya orqanların tərkibində hərbi xidmət keçsək də, 420 nömrəli qərarla bizə əsassız olaraq müharibə veteranı adı verilməmişdir.

Bundan başqa, Nazirlər Kabinetinin 30 dekabr 2021-ci il tarixli 420 nömrəli Qərarı Konstitusiyaya və “Veteranlar haqqında” Qanunun 3-cü maddəsinə, habelə Azərbaycan Respublikası Prezidentinin 3088 saylı 29.12.2021-ci il tarixli Sərəncamına uyğun deyildir. Çox təəccüblüdür ki, Nazirlər Kabineti tələm-tələsik qaydada 420 nömrəli qərarı qəbul edərkən normayaratma prosesinin mərhələləri barədə“Normativ-hüquqi aktlar haqqında” Konstitusiya Qanununun 40-cı maddəsinin və digər maddələrin tələblərini pozmuşdur. Belə ki, 29.12.2021-ci il tarixli 3088 saylı sərəncamda cənab Prezident Nazirlər Kabinetinə tapşırıqlar verir ki, Nazirlər Kabinetinin normativ hüquqi aktlarının bu Sərəncama uyğunlaşdırılması bir ay müddətində təmin edilsin. Nazirlər Kabineti isə bir neçə saatın içində 30 dekabr 2021-ci ildə 420 nömrəli qərar qəbul edir və tələm-tələsik formada özünün 216 nömrəli qərarına dəyişikliklər edir. Halbuki “Normativ-hüquqi aktlar haqqında” Konstitusiya Qanununun tələblərinə görə cənab Prezidentin sərəncamında Nazirlər Kabibeti üçün 1 aylıq müddət müəyyən edildiyinə görə 420 nömrəli qərarın layihəsinə həmin sahəyə cavabdeh olan qurum tərəfindən 10 gün müddətində münasibət bildirilməli idi. Bundan başqa, 40-cı maddəsinin tələblərinə görə hər hansı qərara dəyişiklik etmək üçün əvvəlcə dəyişiklik barədə işlər planlaşdırılmalı idi, sonra 420 nömrəli qərarın layihəsi hazırlanmalı idi, sonra Nazirlər Kabinetinin struktur bölmələri layihəni Hüquqi Ekspertizadan keçirdib, ona rəy verməli idilər, daha sonra isə həmin qərar qəbul edilməli idi. Yəni bütün bunlar vaxt aparan işlərdir. Cənab Prezidentin 3088 saylı sərəncamından sonra Nazirlər Kabineti tərəfindən qısa müddət ərzində belə bir qərarın qəbul edlməsi biz əsgər və zabitlərdə suallar doğurur.

Bütün bu və digər ziddiyyətlərlə bağlı Konstitusiya Məhkəməsinə hüquqi cəhətdən əsaslandırılmış ərizə yazıb vermişik, eləcə də Nazirlər Kabinetinin 420 nömrəli qərarındakı təxminən 9-a qədər ziddiyyəti açıq şəkildə göstərmişik. Milli Məclisin deputatları cənab Razi Nurullayev və cənab Qüdrət Həsənquliyev Milli Məclisdə bu ziddiyyətlər barədə çıxışlar etmişlər. İnanırıq ki, Konstitusiya Məhkəməsi işə ədalətlə baxacaq və ərizədə qaldırılmış bütün məsələlərə öz səlahiyyətləri çərçivəsində hüquqi qiymət verib, bizə dəymiş ağır və bərpaedilməz zərəri aradan qaldıracaq və pozulmuş hüquqlarımızı bərpa edəcək.Görək, Konstitusiya Məhkəməsi hansı qərarı qəbul edəcək və ərizədəki ziddiyyətlərə necə hüquqi qiymət verəcəkdir".

Hörmətlə,
88 nəfər ərizəçi: “N” saylı hərbi hissələrdə xidmət etmiş və ehtiyyata buraxılmış bir qrup əsgər və zabit kollektivi
Gununsesi.info/Dialoq.az [/yandexrss][shortrss] https://dialoq.az/gundem/3962-space-tvnin-bank-hesablarina-hbs-qoyuldu.html https://dialoq.az/gundem/3962-space-tvnin-bank-hesablarina-hbs-qoyuldu.html Gündəm admin Fri, 24 Jul 2026 16:30:48 +0400 [/shortrss] [fullrss] https://dialoq.az/gundem/3962-space-tvnin-bank-hesablarina-hbs-qoyuldu.html https://dialoq.az/gundem/3962-space-tvnin-bank-hesablarina-hbs-qoyuldu.html ]]> admin Fri, 24 Jul 2026 16:30:48 +0400 [/fullrss] [yandexrss] https://dialoq.az/gundem/3962-space-tvnin-bank-hesablarina-hbs-qoyuldu.html Gündəm Fri, 24 Jul 2026 16:30:48 +0400
“Space TV” Müstəqil Televiziya və Radio Şirkətinin bank hesabları üzərinə 140 313,06 ABŞ dolları həcmində həbs qoyulub.

“Dialoq.az ” “Qaynarinfo”ya istinadən xəbər verir ki, Bakı Kommersiya Məhkəməsi “Xalq Bank” ASC-nin müvəqqəti təminat tədbirinin tətbiqi ilə bağlı ərizəsini qismən təmin edib.

İş materiallarına əsasən, 2021-ci ildə “Space TV”yə “Xalq Bank” tərəfindən illik 5 faizlə 60 ay müddətinə 235 min ABŞ dolları məbləğində kredit xətti açılıb.

Bankdan bildirilib ki, şirkətin kredit öhdəliklərini vaxtında yerinə yetirməməsi nəticəsində 118 380,87 ABŞ dolları gecikdirilmiş əsas borc, 9 901,62 ABŞ dolları adi faiz və 12 030,57 ABŞ dolları penya olmaqla, ümumilikdə 140 313,06 ABŞ dolları borcu yaranıb.

“Xalq Bank” gələcəkdə qəbul oluna biləcək məhkəmə qərarının icrasını təmin etmək məqsədilə “Space TV”nin bank hesabları üzərinə həbs qoyulmasını istəyib.

Məhkəmə ərizəni qismən təmin edərək “Space TV”nin “Xalq Bank” istisna olmaqla, Azərbaycanda fəaliyyət göstərən digər banklardakı hesabları üzərinə 140 313,06 ABŞ dolları həcmində həbs qoyulmasına qərar verib.

Qərara əsasən, tətbiq edilən həbs işçilərin əməkhaqlarının ödənilməsinə, eləcə də dövlət büdcəsinə vergi, sosial və digər zəruri ödənişlərin həyata keçirilməsinə məhdudiyyət yaratmır.
Dialoq.az [/yandexrss][shortrss] https://dialoq.az/gundem/3958-susadan-qlobal-elm-yeni-tohf-iv-beynlxalq-elmi-arasdirmalar-konqresi-is-baslayib-fotolar.html https://dialoq.az/gundem/3958-susadan-qlobal-elm-yeni-tohf-iv-beynlxalq-elmi-arasdirmalar-konqresi-is-baslayib-fotolar.html Gündəm / Siyasət admin Fri, 24 Jul 2026 11:17:52 +0400 [/shortrss] [fullrss] https://dialoq.az/gundem/3958-susadan-qlobal-elm-yeni-tohf-iv-beynlxalq-elmi-arasdirmalar-konqresi-is-baslayib-fotolar.html https://dialoq.az/gundem/3958-susadan-qlobal-elm-yeni-tohf-iv-beynlxalq-elmi-arasdirmalar-konqresi-is-baslayib-fotolar.html ]]> admin Fri, 24 Jul 2026 11:17:52 +0400 [/fullrss] [yandexrss] https://dialoq.az/gundem/3958-susadan-qlobal-elm-yeni-tohf-iv-beynlxalq-elmi-arasdirmalar-konqresi-is-baslayib-fotolar.html Gündəm / Siyasət Fri, 24 Jul 2026 11:17:52 +0400
2026-cı il iyulun 23-də Şuşa şəhərində Mingəçevir Dövlət Universitetinin də təşkilatçıları sırasında yer aldığı IV Beynəlxalq Elmi Araşdırmalar Konqresinin açılış mərasimi keçirilib.
23–25 iyul tarixlərini əhatə edən konfrans Azərbaycan Respublikası İqtisadiyyat Nazirliyinin İqtisadi Elmi Tədqiqat İnstitutu, Mingəçevir Dövlət Universiteti, Naxçıvan Dövlət Universiteti, İ.Razzakov adına Qırğızıstan Dövlət Texniki Universiteti, UNEC-in İqtisadi Araşdırmalar Elmi-Tədqiqat İnstitutu və İKSAD İnstitutunun təşkilatçılığı ilə hibrid formatda keçirilir.
Açılış mərasimində əvvəlcə Azərbaycan Respublikasının Dövlət Himni və Türkiyə Respublikasının İstiqlal Marşı səsləndirilib. Sonra ölkələrin azadlığı, müstəqilliyi və ərazi bütövlüyü uğrunda həyatını itirən şəhidlərin əziz xatirəsi bir dəqiqəlik sükutla yad edilib.
Konfransın açılışında ilk olaraq İqtisadi Elmi Tədqiqat İnstitutunun İdarə Heyətinin sədri Şahin Sadıqov çıxış edib. O, müxtəlif ölkələri və elm sahələrini təmsil edən tədqiqatçıların Şuşada bir araya gəlməsinin beynəlxalq elmi əməkdaşlığın genişləndirilməsi, yeni tədqiqat şəbəkələrinin formalaşdırılması və elmi nəticələrin qarşılıqlı paylaşılması baxımından əhəmiyyətini vurğulayıb.
Mingəçevir Dövlət Universitetinin rektoru Anar Eminov çıxışında müasir universitetlərin yalnız tədris fəaliyyəti ilə kifayətlənməyərək, regional və qlobal çağırışlara elmi əsaslandırılmış həllər təqdim edən tədqiqat və əməkdaşlıq mərkəzlərinə çevrildiyini bildirib. Rektor beynəlxalq konfransların tədqiqatçıların akademik əlaqələrinin genişləndirilməsinə, ortaq elmi layihələrin hazırlanmasına, birgə nəşrlərin sayının artırılmasına və universitetlər arasında bilik mübadiləsinin gücləndirilməsinə əlverişli imkan yaratdığını qeyd edib.
Anar Eminov konfransın Qarabağın və Şərqi Zəngəzurun sosial-iqtisadi inkişafı, rəqəmsal transformasiya, insan kapitalı, yaşıl iqtisadiyyat, innovasiya, süni intellekt və digər aktual istiqamətlər üzrə yeni elmi yanaşmaların təqdim edilməsi baxımından xüsusi əhəmiyyət daşıdığını diqqətə çatdırıb. O, elmi tədqiqatların real iqtisadi və sosial proseslərlə əlaqələndirilməsinin, nəticələrin praktik tətbiq imkanlarının araşdırılmasının və gənc tədqiqatçıların beynəlxalq elmi mühitə inteqrasiyasının vacibliyini vurğulayıb.
Daha sonra İKSAD İnstitutunun baş direktoru Mustafa Latif Ekmek konfrans iştirakçılarına videomüraciət ünvanlayıb. O, təşkilatçıları və tədqiqatçıları salamlayaraq konfransın işinə uğurlar arzulayıb, tədbirin ölkələr və elm adamları arasında akademik əlaqələrin inkişafına töhfə verəcəyinə inamını ifadə edib.

İ.Razzakov adına Qırğızıstan Dövlət Texniki Universitetinin Akademik mobillik şöbəsinin baş mütəxəssisi Çinarə Asanbekova çıxış edərək konfrans iştirakçılarını salamlayıb. O, ali təhsil müəssisələri arasında beynəlxalq əlaqələrin, akademik mobilliyin və birgə elmi təşəbbüslərin genişləndirilməsi baxımından bu cür platformaların əhəmiyyətini qeyd edib.
Ardınca İKSAD-ın Azərbaycan üzrə baş direktoru Əlvan Cəfərov tədbirin məqsədi, proqramı, iştirakçı coğrafiyası, təqdim olunacaq elmi məruzələr və bölmə iclaslarının təşkili barədə ətraflı məlumat verib.
Açılış nitqlərindən sonra konfrans plenar məruzələrlə davam edib. İqtisadi Elmi Tədqiqat İnstitutunun İdarə Heyəti sədrinin birinci müavini, professor Arzu Hüseynova Azərbaycanda rəqəmsal transformasiyanın iqtisadi nəticələrə çevrilmə mexanizmi”, Sumqayıt Dövlət Universitetinin professoru, UNEC Qarabağ İqtisadi Araşdırmalar Mərkəzinin rəhbəri Şəfa Əliyev isə “Qarabağda iqtisadiyyat quruculuğunun strateji aspektləri” mövzularında çıxış ediblər.
Plenar çıxışlardan sonra konfrans öz işini bölmə iclasları ilə davam etdirib. İclaslarda iqtisadiyyat, təhsil, mühəndislik, informasiya texnologiyaları, rəqəmsal transformasiya, süni intellekt, ekologiya, turizm, enerji, səhiyyə, tarix, dilçilik, ədəbiyyat və sosial elmlər üzrə məruzələr dinlənilib.
Konfransda Mingəçevir Dövlət Universitetinin əməkdaşları da müxtəlif elmi istiqamətlər üzrə tədqiqat nəticələrini təqdim edirlər. MDU təmsilçilərinin məruzələri rəqəmsal əmək bazarında bacarıqların inkişafı, süni intellektə hazırlıq və məşğulluq, maşın və dərin öyrənmə metodları, Şuşa dağlıq ərazisinin hidrometeoroloji xüsusiyyətləri, mobil idarəetmə sistemləri, sənaye təhlükəsizliyi, ədəbi irs və təlim nailiyyətlərinin qiymətləndirilməsi kimi mövzuları əhatə edir.
Fərqli ölkələrin universitet, elmi-tədqiqat institutu və digər akademik qurumlarını təmsil edən alimlərin bir platformada birləşdirilməsi elmi nəticələrin beynəlxalq müzakirəyə çıxarılmasına, fənlərarası əməkdaşlığın təşviqinə və yeni tərəfdaşlıq imkanlarının müəyyənləşdirilməsinə şərait yaradır. Konfrans Mingəçevir Dövlət Universitetinin beynəlxalq elmi əlaqələrinin genişləndirilməsi, tədqiqatların görünürlüğünün artırılması və qlobal akademik əməkdaşlıq şəbəkələrində iştirakının gücləndirilməsi istiqamətində həyata keçirdiyi fəaliyyətlərlə uzlaşır.
Qeyd edək ki, iyulun 23-də başlayan IV Beynəlxalq Elmi Araşdırmalar Konqresinin bölmə iclasları iyulun 25-dək davam edəcək.

.

.

.

.

.

Dialoq.az [/yandexrss][shortrss] https://dialoq.az/gundem/3949-azrbaycan-respublikasinin-mudafi-nazirliyi-media-numayndlrini-tbrik-etdi.html https://dialoq.az/gundem/3949-azrbaycan-respublikasinin-mudafi-nazirliyi-media-numayndlrini-tbrik-etdi.html Gündəm / Sosial admin Wed, 22 Jul 2026 09:20:17 +0400 [/shortrss] [fullrss] https://dialoq.az/gundem/3949-azrbaycan-respublikasinin-mudafi-nazirliyi-media-numayndlrini-tbrik-etdi.html https://dialoq.az/gundem/3949-azrbaycan-respublikasinin-mudafi-nazirliyi-media-numayndlrini-tbrik-etdi.html ]]> admin Wed, 22 Jul 2026 09:20:17 +0400 [/fullrss] [yandexrss] https://dialoq.az/gundem/3949-azrbaycan-respublikasinin-mudafi-nazirliyi-media-numayndlrini-tbrik-etdi.html Gündəm / Sosial Wed, 22 Jul 2026 09:20:17 +0400

​Azərbaycan Respublikasının Müdafiə Nazirliyi 22 İyul – Milli Mətbuat Günü münasibətilə KİV nümayəndələrinə təbrik ünvanlayıb.

Dialoq.az xəbər verir ki, bu barədə Azərbaycan Respublikasının Müdafiə Nazirliyi məlumat yayıb.
​Nazirliyin 22 İyul – Milli Mətbuat Günü münasibətilə media nümayəndələrinə ünvanladığı təbrikdə deyilir:

​"Əziz və hörmətli media nümayəndələri!
Hər birinizi Milli Mətbuat Günü münasibətilə səmimi qəlbdən təbrik edirik! Sizinlə əməkdaşlıq etməkdən qürur duyuruq. Peşə bayramınız mübarək!"-deyə bildirilib.
Dialoq.az [/yandexrss][shortrss] https://dialoq.az/gundem/3947-azrbaycan-mtbuati-151-yasinda.html https://dialoq.az/gundem/3947-azrbaycan-mtbuati-151-yasinda.html Gündəm / Sosial admin Wed, 22 Jul 2026 05:53:12 +0400 [/shortrss] [fullrss] https://dialoq.az/gundem/3947-azrbaycan-mtbuati-151-yasinda.html https://dialoq.az/gundem/3947-azrbaycan-mtbuati-151-yasinda.html ]]> admin Wed, 22 Jul 2026 05:53:12 +0400 [/fullrss] [yandexrss] https://dialoq.az/gundem/3947-azrbaycan-mtbuati-151-yasinda.html Gündəm / Sosial Wed, 22 Jul 2026 05:53:12 +0400
Bu gün Azərbaycan milli mətbuatının yaranmasından 151 il ötür.

“Dialoq.az ” xəbər verir ki, ölkədə ilk mətbu orqanın – əsası Həsən bəy Zərdabi tərəfindən qoyulmuş “Əkinçi” qəzetinin nəşrə başladığı 22 iyul tarixi 1991-ci ildən Azərbaycanda Milli Mətbuat günü kimi qeyd olunur.

“Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” az müddətdə həm ziyalı təbəqə, həm də sadə insanlar arasında çox məşhurlaşıb. Təsadüfi deyil ki, dövrünün görkəmli ziyalıları və qələm sahibləri qəzetlə əməkdaşlıq edib, müntəzəm məqalələrlə çıxış ediblər. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb.

O vaxtdan müxtəlif tənəzzül və intibah dövrləri keçən Azərbaycan mətbuatı daim cəmiyyətin proseslərə baxışını əks etdirən güzgü rolunu oynayıb. 1998-ci ilin avqustunda senzuranın ləğvi isə Azərbaycanda mətbuatın inkişafına ciddi təkan verib.

Azərbaycan Prezidenti Heydər Əliyevin 1998-ci il 16 avqust tarixli “Azərbaycan Respublikasında söz, düşüncə və informasiya azadlığının təmin edilməsi tədbirləri haqqında” Fərmanı ilə ölkədə kütləvi informasiya vasitələri üzərində senzura ləğv edilib. Bu fərman kütləvi informasiya vasitələrinin sürətli inkişafına ciddi təkan verməklə yanaşı, onların rasionallığının artırılması sahəsində geniş Dövlət Proqramının əsas istiqamətlərini müəyyən edib.
Ətraflı

Milli mətbuatın yubileylərinin ölkədə geniş qeyd olunması, KİV-ə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında sərəncamlar da mətbuata və mətbuat işçilərinə qayğının tərkib hissəsidir.

Prezident İlham Əliyev 25 aprel 2025-ci il tarixdə Azərbaycan milli mətbuatının 150 illik yubileyinin keçirilməsi haqqında sərəncam imzalayıb.

Dövlət başçısının Azərbaycan mətbuat işçilərinin sosial müdafiəsinin gücləndirilməsinə dair sərəncamları əsasında jurnalistlər üçün iki yaşayış binası tikilib. 2013-cü və 2017-ci illərdə Prezident İlham Əliyev jurnalistlər üçün tikilmiş binada Milli Mətbuat Günü münasibətilə mənzillərin paylanması mərasimində iştirak edib.

Azərbaycan Konstitusiyasında söz və mətbuat azadlığının təməl prinsip olaraq əksini tapması ölkədə medianın azad və güclü bir cəmiyyət institutu kimi formalaşmasına təkan verib. Sözsüz ki, bütün bu proseslərin əsas iştirakçıları, əldə olunan nəticələrin əsas səbəbkarları Azərbaycan jurnalistləridir.

Prezident İlham Əliyev 12 yanvar 2021-ci il tarixdə Azərbaycan Respublikasında media sahəsində islahatların dərinləşdirilməsi haqqında Fərman imzalayıb. Fərmana əsasən, Azərbaycanda medianın inkişafının dəstəklənməsi, bu sahədə institusional quruculuq işlərinin davam etdirilməsi, yeni informasiya-kommunikasiya texnologiyalarının və innovasiyaların tətbiqinin stimullaşdırılması məqsədilə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun əsasında “Azərbaycan Respublikasının Medianın İnkişafı Agentliyi” publik hüquqi şəxs yaradılıb.
Dialoq.az [/yandexrss][shortrss] https://dialoq.az/gundem/3926-mingcevir-dovlt-universiteti-sifir-tullanti-modelinin-ttbiqi-ucun-turkiynin-sifir-atik-vakfi-il-mkdasliq-imkanlarini-muzakir-edib.html https://dialoq.az/gundem/3926-mingcevir-dovlt-universiteti-sifir-tullanti-modelinin-ttbiqi-ucun-turkiynin-sifir-atik-vakfi-il-mkdasliq-imkanlarini-muzakir-edib.html Gündəm / Siyasət admin Fri, 17 Jul 2026 21:08:07 +0400 [/shortrss] [fullrss] https://dialoq.az/gundem/3926-mingcevir-dovlt-universiteti-sifir-tullanti-modelinin-ttbiqi-ucun-turkiynin-sifir-atik-vakfi-il-mkdasliq-imkanlarini-muzakir-edib.html https://dialoq.az/gundem/3926-mingcevir-dovlt-universiteti-sifir-tullanti-modelinin-ttbiqi-ucun-turkiynin-sifir-atik-vakfi-il-mkdasliq-imkanlarini-muzakir-edib.html ]]> admin Fri, 17 Jul 2026 21:08:07 +0400 [/fullrss] [yandexrss] https://dialoq.az/gundem/3926-mingcevir-dovlt-universiteti-sifir-tullanti-modelinin-ttbiqi-ucun-turkiynin-sifir-atik-vakfi-il-mkdasliq-imkanlarini-muzakir-edib.html Gündəm / Siyasət Fri, 17 Jul 2026 21:08:07 +0400
2026-cı ilin 17 iyul tarixində Mingəçevir Dövlət Universitetinin rektoru Anar Eminovun rəhbərlik etdiyi nümayəndə heyəti Türkiyə Respublikasına rəsmi səfər çərçivəsində Sıfır Atık Vakfında olub.
MDU-nun nümayəndə heyətini Sıfır Atık Vakfının Mütevelli Heyəti və İdarə Heyətinin sədri Samed Ağırbaş qəbul edib.
Görüşün əsas məqsədi tullantıların yaranmasının qarşısının alınması və azaldılması, karbon emissiyasının minimuma endirilməsi, təbii resurslardan səmərəli istifadə, təkrar emal mədəniyyətinin inkişaf etdirilməsi və dairəvi iqtisadiyyat prinsiplərinin universitet mühitində tətbiqi istiqamətində Fondun beynəlxalq təcrübəsindən, metodoloji yanaşmalarından və institusional əməkdaşlıq imkanlarından faydalanmaq olub.

Görüşdə MDU-nun nəzdində fəaliyyət göstərən Davamlı Enerji və Mühəndislik Sistemləri Tədqiqatları İnstitutunun xətti ilə sıfır tullantı modelinin formalaşdırılması, kampus ərazisində tullantıların çeşidlənməsi və idarə olunması sisteminin təkmilləşdirilməsi, enerji və su resurslarından qənaətlə istifadə, karbon izinin ölçülməsi və azaldılması, ekoloji göstəricilərin monitorinqi, eləcə də tələbə və əməkdaşların ekoloji təşəbbüslərə cəlb edilməsi məsələləri müzakirə olunub.
Tərəflər universitet kampusunda sıfır tullantı yanaşmasının mərhələli şəkildə tətbiqi, birgə layihə və maarifləndirici proqramların, təlimlərin və seminarların təşkili, ekoloji layihələrin hazırlanması, müvafiq təcrübə və məlumat mübadiləsinin həyata keçirilməsi imkanları barədə fikir mübadiləsi aparıblar.

Rektor Anar Eminov Mingəçevir Dövlət Universitetində həyata keçirilən institusional inkişaf prosesində ekoloji məsuliyyətin və resursların səmərəli idarə edilməsinin əsas istiqamətlərdən biri olduğunu bildirib. Rektor qeyd edib ki, universitetdə tullantıların idarə olunması, enerji səmərəliliyinin artırılması, karbon izinin azaldılması və ekoloji davranış mədəniyyətinin formalaşdırılması ilə bağlı təşəbbüslərin vahid sistem əsasında həyata keçirilməsi nəzərdə tutulur.
Anar Eminov Sıfır Atık Vakfının bu sahədə formalaşdırdığı təcrübənin öyrənilməsinin Mingəçevir Dövlət Universitetində ölçülə bilən ekoloji göstəricilərə əsaslanan idarəetmə mexanizmlərinin qurulmasına, kampus infrastrukturunun təkmilləşdirilməsinə və tələbələrin yaşıl bacarıqlarının inkişafına mühüm töhfə verəcəyini diqqətə çatdırıb.

Sıfır Atık Vakfının sədri Samed Ağırbaş Mingəçevir Dövlət Universiteti ilə birgə layihələrin yaxın gələcəkdə icrasının mümkünlüyünə əminliyini bildirib. O, gənclərin ekoloji məsuliyyət, şüurlu istehlak və resurslardan səmərəli istifadə prinsipləri əsasında yetişdirilməsinin uzunmüddətli nəticələr yaratdığını qeyd edərək, Mingəçevir Dövlət Universitetinin bu istiqamətdə nümayiş etdirdiyi təşəbbüskarlığı yüksək qiymətləndirib.

Qeyd edək ki, Mingəçevir Dövlət Universiteti Azərbaycan universitetləri arasında ilk dəfə olaraq sıfır tullantı modeli üzrə Sıfır Atık Vakfı ilə birbaşa institusional əməkdaşlıq imkanlarının müzakirəsinə başlayıb. Bu təşəbbüs universitetdə ekoloji idarəetmənin beynəlxalq təcrübə əsasında təkmilləşdirilməsi, kampusun resurs səmərəliliyinin artırılması və ətraf mühitə təsirin ölçülə bilən göstəricilər əsasında azaldılması baxımından yeni mərhələnin əsasını qoyur.

.

.

.

Dialoq.az [/yandexrss][shortrss] https://dialoq.az/gundem/3923-aviasiya-bolmlrindki-tlim-msqdn-fotolar.html https://dialoq.az/gundem/3923-aviasiya-bolmlrindki-tlim-msqdn-fotolar.html Gündəm / Sosial admin Fri, 17 Jul 2026 14:38:25 +0400 [/shortrss] [fullrss] https://dialoq.az/gundem/3923-aviasiya-bolmlrindki-tlim-msqdn-fotolar.html https://dialoq.az/gundem/3923-aviasiya-bolmlrindki-tlim-msqdn-fotolar.html ]]> admin Fri, 17 Jul 2026 14:38:25 +0400 [/fullrss] [yandexrss] https://dialoq.az/gundem/3923-aviasiya-bolmlrindki-tlim-msqdn-fotolar.html Gündəm / Sosial Fri, 17 Jul 2026 14:38:25 +0400
Müdafiə nazirinin təsdiq etdiyi 2026-cı ilin hazırlıq planına uyğun olaraq Azərbaycan Hərbi Hava Qüvvələrinin aviasiya bölmələrində təlim-məşq uçuşları icra edilib.

Dialoq.az xəbər verir ki, uçuş heyətlərindən hazırlıq barədə məruzələr qəbul edildikdən sonra pilotların təlim uçuşunun şərtləri və təhlükəsizlik qaydaları barədə nəzəri bilikləri yoxlanılıb.

Sonra pilotlar aviasiya vasitələrinə nəzarət baxışı keçiriblər.

Təlim-məşq uçuşunun planına əsasən, “JF-17C" (Block-III), "Su-25ML" və "L-39" tipli təyyarələrdən müəyyən edilmiş marşrutlar üzrə gündüz vaxtı havaya qalxma, yerə enmə, həmçinin müxtəlif hündürlüklərdə çətin pilotaj və döyüş manevrləri üzrə tapşırıqlar yerinə yetirilib.

Hərbi pilotların döyüş hazırlığının təkmilləşdirilməsi məqsədilə keçirilən təlim-məşq uçuşlarında əsas diqqət müxtəlif taktiki şəraitlərdə tapşırıqların dəqiq və təhlükəsiz icrasına, həmçinin aviasiya vasitələrinin effektiv döyüş tətbiqi imkanlarının təkmilləşdirilməsinə yönəldilib.

Təlim-məşq uçuşları zamanı hərbi pilotlar yüksək peşəkarlıq nümayiş etdiriblər.

.

.

.

.

.

.

.

.

.

.

.

.

Dialoq.az [/yandexrss][shortrss] https://dialoq.az/gundem/3892-mingcevir-dovlt-universiteti-tlblr-ucun-iqlim-v-hidrometeorologiya-sahsind-yeni-imkanlar-yaradir-milli-hidrometeorologiya-xidmti-il-mkdasliq-memorandumu.html https://dialoq.az/gundem/3892-mingcevir-dovlt-universiteti-tlblr-ucun-iqlim-v-hidrometeorologiya-sahsind-yeni-imkanlar-yaradir-milli-hidrometeorologiya-xidmti-il-mkdasliq-memorandumu.html Gündəm / Siyasət admin Mon, 13 Jul 2026 23:04:13 +0400 [/shortrss] [fullrss] https://dialoq.az/gundem/3892-mingcevir-dovlt-universiteti-tlblr-ucun-iqlim-v-hidrometeorologiya-sahsind-yeni-imkanlar-yaradir-milli-hidrometeorologiya-xidmti-il-mkdasliq-memorandumu.html https://dialoq.az/gundem/3892-mingcevir-dovlt-universiteti-tlblr-ucun-iqlim-v-hidrometeorologiya-sahsind-yeni-imkanlar-yaradir-milli-hidrometeorologiya-xidmti-il-mkdasliq-memorandumu.html ]]> admin Mon, 13 Jul 2026 23:04:13 +0400 [/fullrss] [yandexrss] https://dialoq.az/gundem/3892-mingcevir-dovlt-universiteti-tlblr-ucun-iqlim-v-hidrometeorologiya-sahsind-yeni-imkanlar-yaradir-milli-hidrometeorologiya-xidmti-il-mkdasliq-memorandumu.html Gündəm / Siyasət Mon, 13 Jul 2026 23:04:13 +0400
2026-cı ilin 13 iyul tarixində Mingəçevir Dövlət Universitetinin rektoru Anar Eminovun rəhbərlik etdiyi nümayəndə heyəti Azərbaycan Respublikasının Ekologiya və Təbii Sərvətlər Nazirliyi yanında Milli Hidrometeorologiya Xidmətində olub.
Mingəçevir Dövlət Universitetinin nümayəndə heyətini Milli Hidrometeorologiya Xidmətinin rəisi Nazim Mahmudovun rəhbərlik etdiyi nümayəndə heyəti qəbul edib.
Görüşdə universitetlə xidmət arasında təhsil, elmi-tədqiqat, meteorologiya, iqlim dəyişmələri, iqlim xidmətləri, erkən xəbərdarlıq sistemləri, meteoroloji məlumatların rəqəmsal emalı və yüksəkixtisaslı kadr hazırlığı sahələrində əməkdaşlığın inkişaf etdirilməsi müzakirə olunub.
Mingəçevir Dövlət Universitetinin rektoru Anar Eminov universitetin əmək bazarının müasir tələblərinə uyğun mütəxəssis hazırlığına, tədris proqramlarının praktik məzmununun gücləndirilməsinə və elmi tədqiqatların real problemlərin həllinə yönəldilməsinə xüsusi önəm verdiyini bildirib.
Rektor qeyd edib ki, iqlim dəyişmələri, ekstremal hava hadisələri, su və enerji təhlükəsizliyi, yaşıl iqtisadiyyat və rəqəmsal məlumatların təhlili müasir dövrün əsas elmi və sosial-iqtisadi çağırışları sırasındadır. Bu baxımdan Milli Hidrometeorologiya Xidməti ilə qurulan əməkdaşlıq universitetin tələbə, magistrant, doktorant və tədqiqatçıları üçün yeni elmi-praktiki imkanlar yaradacaq.
Anar Eminov ekologiya, ətraf mühit, energetika, informasiya texnologiyaları, iqtisadiyyat və digər əlaqəli ixtisaslarda təhsil alan tələbələrin meteorologiya və iqlim xidmətləri sahəsində praktiki bilik və bacarıqlarının inkişaf etdirilməsinin vacibliyini vurğulayıb. Bildirilib ki, əməkdaşlıq çərçivəsində tələbələrin istehsalat və tədqiqat təcrübələrinin təşkili, mütəxəssislərin tədris prosesinə cəlb olunması, birgə seminar, təlim və ustad dərslərinin keçirilməsi nəzərdə tutulur.
Milli Hidrometeorologiya Xidmətinin rəisi Nazim Mahmudov ölkədə hidrometeoroloji müşahidələrin aparılması, hava proqnozlarının hazırlanması, iqlim proseslərinin monitorinqi, təhlükəli hidrometeoroloji hadisələrin qiymətləndirilməsi və erkən xəbərdarlıq sistemlərinin inkişaf etdirilməsi istiqamətində görülən işlər barədə məlumat verib.
Nazim Mahmudov universitetlərlə əməkdaşlığın elmi biliklərin praktik fəaliyyətlə əlaqələndirilməsi, gənc mütəxəssislərin hazırlanması və müasir texnologiyaların hidrometeoroloji xidmətlərdə tətbiqi baxımından əhəmiyyətini diqqətə çatdırıb. O, Mingəçevir Dövlət Universiteti ilə əməkdaşlığın xüsusilə regionlarda iqlim məlumatlarının öyrənilməsi, elmi-praktiki tədqiqatların genişləndirilməsi və tələbələrin peşəkar hazırlığının dəstəklənməsi üçün faydalı olacağını bildirib.
Görüş zamanı Kür hövzəsində iqlim dəyişmələrinin təsirlərinin, meteoroloji proseslərin, ekstremal hava hadisələrinin, regional iqlim risklərinin və onların sosial-iqtisadi nəticələrinin birgə tədqiqi məsələləri də müzakirə edilib. Tədqiqatlarda müasir rəqəmsal texnologiyalardan, məlumat analitikasından, modelləşdirmə və proqnozlaşdırma üsullarından istifadə olunmasının vacibliyi vurğulanıb.
Bu istiqamətdə Mingəçevir Dövlət Universitetinin nəzdində yeni yaradılan Davamlı Enerji və Mühəndislik Sistemləri Tədqiqatları İnstitutu ilə Milli Hidrometeorologiya Xidmətinin müvafiq struktur bölmələri arasında əməkdaşlığın qurulması nəzərdə tutulub. İnstitutun direktoru Tünzalə Babayeva və Milli Hidrometeorologiya Xidmətinin mütəxəssisləri tərəfindən Kür hövzəsində aparılacaq tədqiqatları, məlumat mübadiləsini, elmi tədbirləri və layihə təşəbbüslərini əhatə edən birgə fəaliyyət planı hazırlanacaq.
Birgə fəaliyyət planında Kür hövzəsində iqlim risklərinin qiymətləndirilməsi, təhlükəli hava hadisələrinin regional təsirlərinin öyrənilməsi, meteoroloji məlumatların rəqəmsal emalı, tələbə və gənc tədqiqatçıların elmi layihələrə cəlb olunması, eləcə də nəticələrin elmi məqalə, hesabat və analitik materiallar şəklində təqdim edilməsi əsas istiqamətlər sırasında yer alacaq.
Görüşdə iqlim dəyişmələri və yaşıl inkişaf sahəsində həyata keçiriləcək tələbə, tədqiqat və innovasiya təşəbbüslərinin dəstəklənməsi məqsədilə “Yaşıl İqlim Fondu”nun yaradılması imkanları ətrafında da fikir mübadiləsi aparılıb. Fondun gələcəkdə gənc tədqiqatçıların layihələrinin, iqlim maarifləndirilməsi tədbirlərinin, yaşıl innovasiya ideyalarının və regionlarda aparılan elmi araşdırmaların dəstəklənməsinə töhfə verə biləcəyi qeyd olunub.
Görüşün sonunda Mingəçevir Dövlət Universitetinin rektoru Anar Eminov və Milli Hidrometeorologiya Xidmətinin rəisi Nazim Mahmudov tərəfindən iki müəssisə arasında əməkdaşlığa dair Memorandum imzalanıb.
Memorandum təcrübə proqramlarının, təlim və seminarların təşkili, tələbə və gənc mütəxəssislərin peşəkar inkişafının dəstəklənməsi, meteoroloji məlumatların emalı və təhlili üzrə rəqəmsal həllərin tətbiqi, müşahidə, proqnozlaşdırma və erkən xəbərdarlıq sistemlərinin inkişafı, birgə elmi-praktiki layihələrin və milli və beynəlxalq təşəbbüslərin həyata keçirilməsini əhatə edir.
Səfər çərçivəsində Mingəçevir Dövlət Universitetinin nümayəndə heyəti Milli Hidrometeorologiya Xidmətinin Situasiya Mərkəzinin fəaliyyəti ilə də tanış olub.
Nümayəndə heyətinə müşahidə məntəqələrindən daxil olan meteoroloji məlumatların operativ şəkildə toplanması, emalı və təhlili, atmosfer proseslərinin izlənilməsi, hava proqnozlarının hazırlanması, təhlükəli hidrometeoroloji hadisələrin müəyyənləşdirilməsi və erkən xəbərdarlıqların verilməsi prosesləri barədə məlumat təqdim edilib.
Situasiya Mərkəzində müasir rəqəmsal sistemlər vasitəsilə məlumatların vizuallaşdırılması, müxtəlif meteoroloji göstəricilərin müqayisəli təhlili və qərarların qəbuluna dəstək mexanizmləri nümayiş etdirilib. Mərkəzin fəaliyyəti tələbələrin meteoroloji məlumatların təhlili, rəqəmsal xəritələşdirmə, proqnozlaşdırma və iqlim risklərinin qiymətləndirilməsi sahələrində praktiki biliklər əldə etməsi baxımından xüsusi maraq doğurub.
Qeyd edək ki, imzalanan Memorandum Mingəçevir Dövlət Universiteti ilə Milli Hidrometeorologiya Xidməti arasında uzunmüddətli və nəticəyönümlü əməkdaşlığın formalaşdırılmasına, elm, təhsil və praktiki fəaliyyətin əlaqələndirilməsinə, eləcə də regionun iqlim və dayanıqlı inkişaf problemlərinə dair birgə tədqiqatların genişləndirilməsinə xidmət edəcək.
















Dialoq.az [/yandexrss][shortrss] https://dialoq.az/gundem/3891-bel-avtomobill-hec-yer-getmrm.html https://dialoq.az/gundem/3891-bel-avtomobill-hec-yer-getmrm.html Gündəm / Siyasət admin Mon, 13 Jul 2026 17:22:47 +0400 [/shortrss] [fullrss] https://dialoq.az/gundem/3891-bel-avtomobill-hec-yer-getmrm.html https://dialoq.az/gundem/3891-bel-avtomobill-hec-yer-getmrm.html ]]> admin Mon, 13 Jul 2026 17:22:47 +0400 [/fullrss] [yandexrss] https://dialoq.az/gundem/3891-bel-avtomobill-hec-yer-getmrm.html Gündəm / Siyasət Mon, 13 Jul 2026 17:22:47 +0400
“Düzünü desəm, elektrik avtomobillərində FM radionun olmadığını bilmirdim. Açığını deyim ki, mən radionu əsasən avtomobildə olarkən dinləyirəm”.

Dialoq.az Qafqazinfo-ya istinadən
xəbər verir ki, Prezident İlham Əliyev bu məsələyə IV Şuşa Qlobal Media Forumunda gürcüstanlı jurnalistin elektrik avtomobillərində FM radio ilə bağlı sualını cavablandırarkən toxunub.

“Mən ölkə daxilində əsasən avtomobillə hərəkət etdiyim üçün avtomobildə kifayət qədər vaxt keçirirəm. Hər səfər zamanı radionu dinləyirəm. Əsasən də musiqiyə qulaq asıram. Çünki xəbərləri başqa mənbələrdən kifayət qədər alıram. Mən avtomobili radiosuz təsəvvür edə bilmirəm. Belə avtomobillə heç yerə getmərəm. Əgər bu istiqamətdə bizim qoşula biləcəyimiz hər hansı təşəbbüs varsa, sadəcə bizə məlumat verin. Biz onu tam dəstəkləyəcəyik”, - Prezident əlavə edib.
Dialoq.az [/yandexrss]