Dialoq.az xəbər verir ki, Yevlax şəhərində vətəndaşlar üçün hazırlanmış yeni il şənliyi zamanı Yevlax şəhər İcra Hakimiyyətinin qarşısında qurulmuş yolka və digər dekorasiyaların qarşısında vətəndaşların şəxsi mobil telefonları ilə çəkilən şəkillər üçün 3-4 manatdan pul alınırmış. Sözügedən faktla bağlı Vətən müharibəsi iştirakçısı, qazi, Azərbaycan bayrağı ordenli, Azərbaycan Respublikası Milli Qəhrəmanları Tanıtma İctimai Birliyinin Yevlax rayon nümayəndəliyinin sədri, Azərbaycan Jurnalistlər Birliyinin üzvü, ehtiyatda olan mayor Mədəd Süleymanov məlumat verib. Verilən məlumatda qeyd olunur ki, bu üsulla aldadılan vətəndaşlar arasında Vətən müharibəsi qazisinin övladı da olub.
Sözügedən faktla bağlı qarşı tərəfin də fikirlərini işıqlandırmağa hazırıq.

Dialoq.az