https://dialoq.az/ tr[shortrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html Gündəm / Bölgə admin Sat, 01 Aug 2026 23:37:42 +0400 [/shortrss] [fullrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html ]]> admin Sat, 01 Aug 2026 23:37:42 +0400 [/fullrss] [yandexrss] https://dialoq.az/gundem/3985-mingcevird-regional-medianin-problemlri-muzakir-olunub-saglam-media-ucun-regionlara-diqqt-artirilmalidir-video.html Gündəm / Bölgə Sat, 01 Aug 2026 23:37:42 +0400
1 avqust 2026-cı il tarixində Mingəçevir şəhər Gənclər Evində Azərbaycan Jurnalistlər Birliyinin rəhbərliyi, EL TV-nin təşkilatçılığı ilə Mərkəzi Aran regionunda fəaliyyət göstərən media nümayəndələri ilə görüş keçirilib.
Görüşdə Azərbaycan Jurnalistlər Birliyinin sədri Elçin Şıxlı, Birliyin İdarə Heyətinin üzvləri və Mərkəzi Aran regionunda fəaliyyət göstərən media subyektlərinin nümayəndələri iştirak ediblər. Görüşün əsas məqsədi region mediasının mövcud vəziyyətini, onun qarşılaşdığı problemləri, media nümayəndələrinin üzləşdiyi çətinlikləri müzakirə etmək, onların təklif və təşəbbüslərini dinləmək olub.

Tədbirdə çıxış edən Azərbaycan Jurnalistlər Birliyinin sədri Elçin Şıxlı müasir medianın qarşısında dayanan əsas problemlərdən danışıb. O, medianın bugünkü vəziyyətinə toxunaraq dezinformasiyanın yayılması, qeyri-peşəkar yanaşmalar, reket jurnalistika və digər mənfi tendensiyaların media mühitinə təsirlərindən bəhs edib. Elçin Şıxlı bildirib ki, sağlam media mühitinin formalaşdırılması üçün peşəkar jurnalistikanın inkişafına, jurnalistlərin maarifləndirilməsinə və media subyektlərinin fəaliyyətinə daha ciddi diqqət göstərilməsinə ehtiyac var. Görüş zamanı region mediasının problemləri geniş müzakirə olunub. Mərkəzi Aran regionunda fəaliyyət göstərən jurnalistlər onları narahat edən məsələləri səsləndirib, təklif və xahişlərini Azərbaycan Jurnalistlər Birliyinin rəhbərliyinin diqqətinə çatdırıblar.

Görüşdə çıxış edən media nümayəndələri regionlarda fəaliyyət göstərən media subyektlərinə diqqətin artırılmasının vacibliyini vurğulayıblar. Qeyd olunub ki, regionlarda sağlam və peşəkar medianın formalaşması yalnız jurnalistlərin öz fəaliyyətindən deyil, həm də onların çalışdığı informasiya mühitindən, dövlət qurumları ilə media arasındakı münasibətlərdən və ictimaiyyətin mediaya yanaşmasından asılıdır. Bu baxımdan region mediasının inkişafına dəstək verilməsi, jurnalistlərin peşəkarlığının və media savadlılığının artırılması istiqamətində müxtəlif təlimlərin, seminarların və maarifləndirici tədbirlərin keçirilməsi təklif olunub. Eyni zamanda dövlət qurumları ilə media arasında informasiya mübadiləsinin daha sağlam və operativ qurulmasının vacibliyi diqqətə çatdırılıb.

Görüşdə çıxış edən yazıçı, Azərbaycan Yazıçılar Birliyinin və Azərbaycan Jurnalistlər Birliyinin üzvü, Dialoq.az xəbər saytının təsisçisi və baş redaktoru Natiq Əlisoy regional medianın qarşılaşdığı problemlərdən danışaraq Azərbaycan Jurnalistlər Birliyinin regional bölmələrinin yaradılmasının vacibliyini qeyd edib. Natiq Əlisoy qeyd edib ki, Azərbaycan Jurnalistlər Birliyinin regional bölmələrinin yaradılması region mediasının problemlərinin vahid platformada müzakirə olunmasına imkan verə bilər. O bildirib ki, həmin bölmələr vasitəsilə region jurnalistlərinin qarşılaşdıqları problemlər sistemləşdirilə, aidiyyəti qurumların diqqətinə çatdırıla və onların həlli istiqamətində ardıcıl fəaliyyət həyata keçirilə bilər.

Görüşdə regionlarda fəaliyyət göstərən media subyektlərinin stimullaşdırılması, onların maddi və mənəvi baxımdan dəstəklənməsi məsələsi də gündəmə gətirilib. Bildirilib ki, region mediasının yaşaması və inkişaf etməsi üçün yalnız peşəkar jurnalistlərin olması kifayət deyil. Eyni zamanda onların fəaliyyət göstərməsi üçün normal iqtisadi və informasiya mühiti də yaradılmalıdır. Media nümayəndələri regionlarda jurnalistikanın nüfuzunun artırılması, media savadlılığının yüksəldilməsi, peşəkar jurnalistikanın təşviqi və sağlam media mühitinin formalaşdırılması istiqamətində daha çox layihələrin həyata keçirilməsinin vacibliyini vurğulayıblar.

Dialoq.az [/yandexrss][shortrss] https://dialoq.az/gundem/3554-mingcevir-dovlt-universiteti-regional-inkisafin-v-innovativ-dusuncnin-yeni-unvani.html https://dialoq.az/gundem/3554-mingcevir-dovlt-universiteti-regional-inkisafin-v-innovativ-dusuncnin-yeni-unvani.html Gündəm / Bölgə admin Sat, 23 May 2026 12:56:58 +0400 [/shortrss] [fullrss] https://dialoq.az/gundem/3554-mingcevir-dovlt-universiteti-regional-inkisafin-v-innovativ-dusuncnin-yeni-unvani.html https://dialoq.az/gundem/3554-mingcevir-dovlt-universiteti-regional-inkisafin-v-innovativ-dusuncnin-yeni-unvani.html ]]> admin Sat, 23 May 2026 12:56:58 +0400 [/fullrss] [yandexrss] https://dialoq.az/gundem/3554-mingcevir-dovlt-universiteti-regional-inkisafin-v-innovativ-dusuncnin-yeni-unvani.html Gündəm / Bölgə Sat, 23 May 2026 12:56:58 +0400
Azərbaycanın elm və təhsil məkanında son illər müşahidə olunan yenilənmə prosesi region universitetlərinin fəaliyyətində də özünü aydın şəkildə göstərməkdədir. Bu baxımdan Mingəçevir Dövlət Universiteti öz inkişaf mərhələsində yeni bir dövr yaşayır. Universitetin rektoru Anar Eminovun rəhbərliyi altında həyata keçirilən layihələr, qurulan əlaqələr, təşkil olunan tədbirlər və ortaya qoyulan yeniliklər təkcə Mingəçevir şəhəri üçün deyil, bütövlükdə Mərkəzi Aran regionu üçün mühüm nümunəyə çevrilməkdədir.

Bu gün ali təhsil müəssisəsi yalnız auditoriyalarda dərs keçilən məkan deyil. Müasir universitetlər dövlətçilik düşüncəsinin formalaşdığı, gənclərin milli ruhda yetişdiyi, beynəlxalq əlaqələrin qurulduğu və innovativ ideyaların həyata keçirildiyi mühüm mərkəzlərdir. Mingəçevir Dövlət Universitetində son dövrdə müşahidə olunan dinamika da məhz bu strateji yanaşmanın nəticəsi kimi diqqət çəkir.

Rektor Anar Eminovun idarəçilik fəlsəfəsində ən mühüm məqamlardan biri universiteti regionun sosial, iqtisadi və intellektual həyatının aparıcı qüvvəsinə çevirməkdir. Bu məqsədlə keçirilən elmi konfranslar, beynəlxalq görüşlər, tələbə forumları, təhsil və innovasiya layihələri universitetin nüfuzunu daha da artırır. Eyni zamanda, universitetin müxtəlif dövlət qurumları, ictimai təşkilatlar və beynəlxalq təhsil platformaları ilə əməkdaşlıq əlaqələri yeni imkanların yaranmasına səbəb olur.

Xüsusilə diqqət çəkən məqamlardan biri də universitetdə gənclərin dövlətçilik ruhunda yetişdirilməsinə verilən önəmdir. Azərbaycanın milli maraqlarına sadiq, Vətən sevgisi ilə formalaşan, müasir dünyagörüşünə malik kadrların hazırlanması bugünkü dövrün əsas prioritetlərindən biridir. Mingəçevir Dövlət Universitetində həyata keçirilən tədbirlərdə bu istiqamət açıq şəkildə hiss olunur. Şəhid ailələri ilə görüşlər, vətənpərvərlik mövzusunda keçirilən tədbirlər, milli-mənəvi dəyərlərin təbliği universitetin fəaliyyətində xüsusi yer tutur.

Bununla yanaşı, innovasiya və rəqəmsal inkişaf istiqamətində atılan addımlar da universitetin gələcəyə hesablanmış strategiyasından xəbər verir. Müasir texnologiyaların tətbiqi, startap təşəbbüslərinin dəstəklənməsi, tələbələrin yaradıcılıq potensialının inkişaf etdirilməsi regionda yeni düşüncə platformasının formalaşmasına səbəb olur. Bu isə Mərkəzi Aran bölgəsinin gələcək inkişafına mühüm töhfədir.

Mingəçevir şəhəri tarixən sənaye və energetika mərkəzi kimi tanınıb. Bu gün isə şəhər tədricən elm, təhsil və innovasiya mərkəzi kimi də öz mövqeyini gücləndirir. Bu inkişafda Mingəçevir Dövlət Universitetinin rolu danılmazdır. Universitetin fəaliyyəti şəhərin ictimai həyatına canlılıq gətirir, gənclərin dünyagörüşünün genişlənməsinə xidmət edir və regionun intellektual potensialını artırır.
Anar Eminovun rəhbərliyi ilə universitetdə formalaşan yeni idarəçilik modeli əməkdaşlıq, şəffaflıq və inkişaf prinsiplərinə söykənir. Bu yanaşma həm müəllim heyətində, həm tələbələrdə, həm də ictimaiyyət arasında müsbət münasibət formalaşdırır. Belə idarəçilik modeli region universitetlərinin gələcək inkişaf istiqaməti baxımından da nümunə sayıla bilər.

Bu gün Azərbaycanın gələcəyi güclü təhsil, sağlam düşüncə və innovativ yanaşma üzərində qurulur. Mingəçevir Dövlət Universitetində həyata keçirilən işlər də göstərir ki, regionlarda aparılan düzgün təhsil siyasəti ölkənin ümumi inkişaf strategiyasının mühüm hissəsidir. Universitetin fəaliyyəti yalnız bu günü deyil, gələcəyin Azərbaycanını formalaşdırmağa xidmət edir.

Yazıçı, şair,
Azərbaycan Yazıçılar Birliyinin və Azərbaycan Jurnalistlər Birliyinin üzvü
Natiq Əlisoy [/yandexrss][shortrss] https://dialoq.az/gundem/3431-mingcevir-dovlt-universitetind-i-yasil-kampus-idman-festivali-saglam-hyat-trzi-ekoloji-dusunc-v-yasil-glck-namin-genismiqyasli-idman-hrkati-fotolar.html https://dialoq.az/gundem/3431-mingcevir-dovlt-universitetind-i-yasil-kampus-idman-festivali-saglam-hyat-trzi-ekoloji-dusunc-v-yasil-glck-namin-genismiqyasli-idman-hrkati-fotolar.html Gündəm / Bölgə admin Sun, 10 May 2026 19:24:46 +0400 [/shortrss] [fullrss] https://dialoq.az/gundem/3431-mingcevir-dovlt-universitetind-i-yasil-kampus-idman-festivali-saglam-hyat-trzi-ekoloji-dusunc-v-yasil-glck-namin-genismiqyasli-idman-hrkati-fotolar.html https://dialoq.az/gundem/3431-mingcevir-dovlt-universitetind-i-yasil-kampus-idman-festivali-saglam-hyat-trzi-ekoloji-dusunc-v-yasil-glck-namin-genismiqyasli-idman-hrkati-fotolar.html ]]> admin Sun, 10 May 2026 19:24:46 +0400 [/fullrss] [yandexrss] https://dialoq.az/gundem/3431-mingcevir-dovlt-universitetind-i-yasil-kampus-idman-festivali-saglam-hyat-trzi-ekoloji-dusunc-v-yasil-glck-namin-genismiqyasli-idman-hrkati-fotolar.html Gündəm / Bölgə Sun, 10 May 2026 19:24:46 +0400
2026-cı ilin 10 may tarixində Mingəçevir Dövlət Universiteti və Azərbaycan Respublikasının Gənclər və İdman Nazirliyinin Mərkəzi Aran Regional Gənclər və İdman İdarəsinin birgə təşkilatçılığı ilə Ümummilli lider Heydər Əliyevin anadan olmasının 103-cü ildönümünə həsr edilmiş “I MDU Yaşıl Kampus İdman Festivalı” (I MSU Green Campus Sports Festival) keçirilib.

Gənclər arasında sağlam həyat tərzinin təşviqi, ekoloji mədəniyyətin gücləndirilməsi, yaşıl düşüncə tərzinin formalaşdırılması və dayanıqlı kampus həyatının təşviqi məqsədi daşıyan festival regionun ən genişmiqyaslı yaşıl idman təşəbbüslərindən biri kimi böyük maraqla qarşılanıb.
Festivalda Mingəçevir Dövlət Universitetinin akademik və inzibati heyəti, tələbələr, magistrantlar, məzunlar, Mərkəzi Aran Regional Gənclər və İdman İdarəsinin rəhbərliyi, peşəkar və həvəskar idmançılar, tərəfdaş qurumların nümayəndələri, şəhər ictimaiyyəti və media nümayəndələri daxil olmaqla ümumilikdə 3000-dək iştirakçı yer alıb.

Festivalın rəsmi açılış mərasimində çıxış edən MDU-nun Keyfiyyət təminatı və akkreditasiya şöbəsinin müdiri Azad Mirzəbəyov universitetdə həyata keçirilən “Yaşıl Kampus” strategiyasının yalnız ekoloji təşəbbüslərlə məhdudlaşmadığını, eyni zamanda sağlam həyat tərzi, fiziki aktivlik, sosial rifah və məsuliyyətli vətəndaşlıq dəyərlərini özündə birləşdirən kompleks inkişaf modeli olduğunu diqqətə çatdırıb. Rektor bildirib ki, universitetdə formalaşdırılan müasir kampus mühiti tələbələrin ekoloji düşüncə tərzinin inkişafına, dayanıqlı həyat vərdişlərinin təşviqinə və sağlam cəmiyyət modelinin gücləndirilməsinə xidmət edir. Anar Eminov idman, ekologiya və sosial məsuliyyətin vahid platformada birləşdirilməsinin gələcəyin dayanıqlı universitet modelinin əsas istiqamətlərindən biri olduğunu vurğulayıb.

Mərkəzi Aran Regional Gənclər və İdman İdarəsinin rəisi Azad Gözəlov çıxışında gənclərin idmana marağının artırılması, sağlam həyat tərzinin təşviqi və regionlarda kütləvi idman hərəkatının genişləndirilməsinin dövlət gənclər siyasətinin mühüm prioritetlərindən biri olduğunu qeyd edib. O, Mingəçevir Dövlət Universiteti ilə təşkil olunan belə innovativ və sosial yönümlü təşəbbüslərin gənclərin fiziki və mənəvi inkişafına mühüm töhfə verdiyini bildirib, festivalın təşkilində əməyi olan bütün tərəflərə təşəkkürünü ifadə edib.
Festival çərçivəsində marafon/qaçış, voleybol, futbol, üzgüçülük, velosiped yarışı, stolüstü tennis və eko-yarışlar təşkil olunub. Yarışlarda universitetin tələbələri, əməkdaşları, məzunları, həmçinin tərəfdaş qurumların nümayəndələri fəal iştirak ediblər.
Marafon/qaçış və velosiped yürüşləri Mingəçevir şəhərinin mərkəzi küçələri boyunca təşkil olunub. Şəhərin yaşıllıq zolaqları və açıq hava marşrutlarını əhatə edən yürüşlər ekoloji məsuliyyət, aktiv şəhər həyatı və karbon emissiyalarının azaldılması ideyalarını təşviq edən nümunəvi ictimai platformaya çevrilib. Xüsusilə diqqət çəkən məqamlardan biri festival iştirakçılarının tədbir məkanına əsasən avtomobilsiz — piyada, velosiped və ictimai nəqliyyat vasitələri ilə gəlməsi olub. Bununla iştirakçılar dayanıqlı mobillik, təmiz nəqliyyat və şəhər mühitində karbon izinin azaldılması ilə bağlı ictimai çağırışa dəstək nümayiş etdiriblər.

Festivalın müxtəlif idman yarışları açıq hava və yaşıllıq mühitində təşkil olunub, iştirakçılar üçün ekoloji baxımdan təhlükəsiz və sağlam atmosfer yaradılıb. Yarışların sonunda qalib komandalar və fərdi iştirakçılar medal, kubok və xüsusi sertifikatlarla təltif olunublar.
Tədbir konsert proqramı və musiqili şoularla davam edib. Festival çərçivəsində təşkil olunan bədii hissədə iştirakçılara canlı ifalar təqdim olunub, açıq hava musiqi proqramları festivalın dinamik və enerjili atmosferini daha da gücləndirib.
Festivalın diqqətçəkən təşəbbüslərindən biri də “Green Nutrition Zone” – Yaşıl Qidalanma Zonasının yaradılması olub. Zonada yerli və mövsümi məhsullar, orqanik qidalar, ekoloji təmiz istehlak nümunələri və plastiksiz qablaşdırma həlləri təqdim edilib. Eyni zamanda “Zero Waste Food” konsepti çərçivəsində qida tullantılarının minimuma endirilməsi, təkrar istifadə və məsuliyyətli istehlak yanaşmaları təşviq olunub.
Qeyd edək ki, “I MDU Yaşıl Kampus İdman Festivalı” universitetdə ekoloji davamlılıq, yaşıl həyat tərzi, sağlam kampus mühiti və sosial rifah istiqamətində həyata keçirilən institusional təşəbbüslərin mühüm tərkib hissəsi olmaqla yanaşı, regionda yaşıl düşüncə və dayanıqlı inkişaf dəyərlərinin təşviqinə xidmət edən nümunəvi platforma kimi qiymətləndirilir.











































































Dialoq.az
[/yandexrss][shortrss] https://dialoq.az/gundem/3370--omrun-izi-muhndis-mullim-v-sair-bulft-hsnoglu.html https://dialoq.az/gundem/3370--omrun-izi-muhndis-mullim-v-sair-bulft-hsnoglu.html Gündəm / Bölgə admin Sat, 02 May 2026 10:37:13 +0400 [/shortrss] [fullrss] https://dialoq.az/gundem/3370--omrun-izi-muhndis-mullim-v-sair-bulft-hsnoglu.html https://dialoq.az/gundem/3370--omrun-izi-muhndis-mullim-v-sair-bulft-hsnoglu.html ]]> admin Sat, 02 May 2026 10:37:13 +0400 [/fullrss] [yandexrss] https://dialoq.az/gundem/3370--omrun-izi-muhndis-mullim-v-sair-bulft-hsnoglu.html Gündəm / Bölgə Sat, 02 May 2026 10:37:13 +0400
Ədilov Əbülfət Həsən oğlu – zəngin həyat yolu, dərin biliyi və çoxşaxəli fəaliyyəti ilə seçilən nümunəvi ziyalı, peşəkar mühəndis, pedaqoq və yaradıcı şəxsiyyətdir. 1951-ci il mayın 7-də Şəki rayonunun Baş Göynük kəndində ziyalı ailəsində dünyaya göz açan Əbülfət müəllim, hələ gənc yaşlarından elmə, biliyə və zəhmətə olan bağlılığı ilə seçilmişdir. 7 may 2026-cı il tarixdə Əbülfət müəllimin 75 yaşı tamam olur.
1968–1973-cü illərdə Azərbaycan Neft və Kimya İnstitutunda təhsil alaraq istilik energetikası mühəndisi ixtisasına yiyələnməsi onun gələcək uğurlarının möhkəm təməlini qoymuşdur.

1973–1975-ci illərdə zabit kimi həqiqi hərbi xidmətdə olmuşdur. Həqiqi hərbi xidmətdən sonra əmək fəaliyyətinə başlayan Əbülfət müəllim ömrünün böyük bir hissəsini Azərbaycanın enerji sektorunun inkişafına həsr etmişdir. Azərbaycan İstilik Elektrik Stansiyası “Azərbaycan İES” kimi strateji əhəmiyyətli bir müəssisədə sadə aparatçıdan başlayaraq rəhbər vəzifələrə qədər yüksəlməsi onun zəhmətkeşliyinin, biliyinin və peşəkarlığının bariz nümunəsidir.
Onun mühəndislik fəaliyyəti yalnız gündəlik işlə məhdudlaşmamış, eyni zamanda yenilikçi yanaşmaları ilə yadda qalmışdır. Müəllifi olduğu 30-dan artıq səmərələşdirici təklif bu gün də öz iqtisadi faydasını verməkdədir. Çətin və çıxılmaz görünən texniki problemlərin qısa müddətdə həllində göstərdiyi peşəkarlıq, xüsusilə 1981 və 1986-cı illərdə baş vermiş mürəkkəb situasiyalarda nümayiş etdirdiyi qətiyyət onun yüksək ixtisas sahibi olduğunu sübut edir.

Əbülfət müəllim yalnız istehsalat sahəsində deyil, həm də kadr hazırlığında böyük xidmətlər göstərmiş, “Azərbaycan İES”-in ilk mütəxəssislərinin yetişdirilməsində əvəzsiz rol oynamışdır. Eyni zamanda, hərbi uçot və səfərbərlik işlərinin təşkili sahəsində qazandığı uğurlar nəticəsində dəfələrlə yüksək mükafatlara layiq görülmüşdür.
Onun fəaliyyəti ictimai həyatla da sıx bağlı olmuşdur. Fəal ictimaiyyətçi kimi kollektivdə böyük hörmət qazanmış, eyni zamanda şahmat üzrə birinci dərəcəli idmançı kimi bir çox yarışların təşkilinə rəhbərlik etmiş və yeni şahmatçıların yetişməsinə töhfə vermişdir.
Müxtəlif illərdə Şəki Aqrofirmasında rəhbər vəzifələrdə, Mingəçevir Şüşə Mahlıc zavodunda sədr müavini kimi çalışaraq idarəçilik sahəsində də öz bacarığını nümayiş etdirmişdir.

Hazırda isə Mingəçevir Dövlət Universitetində müəllim kimi fəaliyyət göstərərək öz bilik və təcrübəsini gənc nəslə ötürməkdədir. Tələbkar, prinsipial, eyni zamanda ədalətli və qayğıkeş müəllim kimi tələbələrinin rəğbətini qazanmışdır.
Əbülfət Həsənoğlu imzası ilə tanınan bu dəyərli ziyalı eyni zamanda Azərbaycan Yazıçılar Birliyinin üzvü və tədqiqatçı şair kimi geniş oxucu auditoriyasına malikdir. Onun “Kamilliyə gedən yol”, “Nəsimi ənəlhəqqinin kökləri”, “Ömrün ləpirləri”, “İ.Nəsiminin İraq divanına şərhlər”, “Qayğılar” kimi kitabları və çoxsaylı elmi-publisistik məqalələri onun zəngin daxili dünyasının və dərin düşüncə tərzinin ifadəsidir. 2013-cü ildə “Qızıl Qələm” mükafatına layiq görülməsi də onun ədəbi və publisistik fəaliyyətinə verilən yüksək qiymətdir.
Ailəsinə bağlı, zəngin mənəvi dəyərlərə sahib olan Əbülfət müəllim 4 övlad, 9 nəvə və 1 nəticə sahibi kimi böyük və nümunəvi bir ailənin ağsaqqalıdır. Onun yetişdirdiyi övlad və nəvələrin müxtəlif sahələrdə – xüsusilə tibb və hüquq kimi mühüm ixtisaslarda uğur qazanması onun həyat fəlsəfəsinin və tərbiyəsinin nəticəsidir.
Ədilov Əbülfət Həsən oğlu – zəhmətin, elmin, sədaqətin və mənəviyyatın vəhdətində formalaşmış, cəmiyyət üçün dəyər yaradan, örnək həyat yolu keçmiş bir ziyalıdır. Onun həyat və fəaliyyəti gənc nəsil üçün bir məktəb, bir örnəkdir.
Əziz və hörmətli Əbülfət müəllim!
Sizi 75 illik yubileyiniz münasibətilə ürəkdən təbrik edirik. Sizə möhkəm can sağlığı, uzun ömür, ailə səadəti və bütün işlərinizdə yeni-yeni uğurlar arzulayırıq. Qoy ömrünüzün hər günü sizin zəhmət dolu həyat yolunuz kimi mənalı, işıqlı və bərəkətli olsun!










Natiq Əlisoy
Yazıçı-şair, Azərbaycan Yazıçılar və Azərbaycan Jurnalistlər Birliyinin üzvü

Dialoq.az [/yandexrss][shortrss] https://dialoq.az/gundem/3319-mingcevir-dovlt-universiteti-regionda-ilk-df-psixologiyada-genismiqyasli-elmi-mkdasliq-muhiti-formalasdirib-mingcevird-psixologiyaya-hsr-edilmis-multidisiplinar-konfrans-kecirilib.html https://dialoq.az/gundem/3319-mingcevir-dovlt-universiteti-regionda-ilk-df-psixologiyada-genismiqyasli-elmi-mkdasliq-muhiti-formalasdirib-mingcevird-psixologiyaya-hsr-edilmis-multidisiplinar-konfrans-kecirilib.html Gündəm / Sosial / Bölgə admin Sat, 25 Apr 2026 10:36:40 +0400 [/shortrss] [fullrss] https://dialoq.az/gundem/3319-mingcevir-dovlt-universiteti-regionda-ilk-df-psixologiyada-genismiqyasli-elmi-mkdasliq-muhiti-formalasdirib-mingcevird-psixologiyaya-hsr-edilmis-multidisiplinar-konfrans-kecirilib.html https://dialoq.az/gundem/3319-mingcevir-dovlt-universiteti-regionda-ilk-df-psixologiyada-genismiqyasli-elmi-mkdasliq-muhiti-formalasdirib-mingcevird-psixologiyaya-hsr-edilmis-multidisiplinar-konfrans-kecirilib.html ]]> admin Sat, 25 Apr 2026 10:36:40 +0400 [/fullrss] [yandexrss] https://dialoq.az/gundem/3319-mingcevir-dovlt-universiteti-regionda-ilk-df-psixologiyada-genismiqyasli-elmi-mkdasliq-muhiti-formalasdirib-mingcevird-psixologiyaya-hsr-edilmis-multidisiplinar-konfrans-kecirilib.html Gündəm / Sosial / Bölgə Sat, 25 Apr 2026 10:36:40 +0400
2026-cı il aprelin 24-də Mingəçevir Dövlət Universiteti, Psixologiya Elmi-Tədqiqat İnstitutu və “Müasir Azərbaycan Psixoloqları” İctimai Birliyinin birgə təşkilatçılığı ilə “Psixologiyada multidisiplinar elmi tədqiqatlar” konfransı öz işinə başlayıb.

Mingəçevir şəhərində yerləşən Heydər Əliyev Mərkəzində keçirilən konfrans regionda ilk dəfə olaraq psixologiya sahəsində müxtəlif istiqamətləri bir araya gətirən genişmiqyaslı elmi platforma kimi diqqət çəkir.
Açılış mərasimində Mingəçevir Şəhər İcra Hakimiyyətinin başçısı İlham İsmayılov, Mingəçevir Bələdiyyəsinin sədri Anar İsmayılov, Yeni Azərbaycan Partiyasının Mingəçevir şəhər təşkilatının sədri Bəxtiyar Mustafayev, Bakı Slavyan Universitetinin rektoru Anar Nağıyev, Mingəçevir Dövlət Universitetinin rektoru Anar Eminov, Psixologiya Elmi-Tədqiqat İnstitutunun sədri Elnur Rüstəmov, hüquq-mühafizə orqanlarının rəhbərləri, 27 müəssisə və təşkilatı təmsil edən alimlər, professor-müəllim heyəti, psixoloqlar, tədqiqatçılar, tələbə və magistrantlar, eləcə də media nümayəndələri iştirak ediblər.

Tədbir iştirakçıları əvvəlcə Ümummilli lider Heydər Əliyevin abidəsini ziyarət edərək xatirəsini ehtiramla yad edib, abidə önünə gül dəstələri düzüblər.

Konfransın rəsmi hissəsi Ümummilli lider Heydər Əliyevin və şəhidlərimizin əziz xatirəsinin bir dəqiqəlik sükutla anılması, ardınca Azərbaycan Respublikasının Dövlət Himninin səsləndirilməsi ilə başlayıb.

Konfransı giriş sözü ilə açan Mingəçevir Şəhər İcra Hakimiyyətinin başçısı İlham İsmayılov belə elmi platformaların regionlarda keçirilməsinin əhəmiyyətini vurğulayaraq qeyd edib ki, müasir dövrdə psixoloji rifahın təmin olunması, ailə institutunun möhkəmləndirilməsi və cəmiyyətin dayanıqlı inkişafı baxımından elmi tədqiqatların rolu getdikcə artır. O, multidisiplinar yanaşmanın müxtəlif sahələr arasında inteqrasiyanı gücləndirdiyini, praktiki həllərin formalaşmasına töhfə verdiyini bildirib və konfransın elmi nəticələrinin regionun sosial inkişafına müsbət təsir göstərəcəyinə əminliyini ifadə edərək tədbirin işinə uğurlar arzulayıb.

Daha sonra çıxış edən MDU-nun rektoru Anar Eminov konfransın təşkilini universitetin elmi-tədqiqat fəaliyyətinin genişləndirilməsi və beynəlxalq əməkdaşlıqların gücləndirilməsi istiqamətində atılan mühüm addım kimi dəyərləndirib. Rektor qeyd edib ki, konfransa 27 müəssisə və təşkilatdan ümumilikdə 265 elmi məqalə qəbul olunub. Bunların içində ali təhsil müəssisələri, orta ixtisas və ümumtəhsil məktəbləri və müxtəlif dəstəklər yer almaqdadır. Bu göstəricilər psixologiya sahəsində elmi marağın genişlənməsini və müxtəlif səviyyələrdə tədqiqatların intensivləşdiyini nümayiş etdirir. Anar Eminov həmçinin vurğulayıb ki, belə təşəbbüslər elmin təhsillə, təhsilin isə cəmiyyətin real ehtiyacları ilə daha sıx inteqrasiyasına xidmət edir.

Bakı Slavyan Universitetinin rektoru Anar Nağıyev çıxışında qonaqpərvərliyə görə təşəkkürünü bildirərək qeyd edib ki, bu kimi konfranslar ali təhsil müəssisələri arasında elmi dialoqun inkişafı, təcrübə mübadiləsinin genişlənməsi və ortaq tədqiqat istiqamətlərinin müəyyənləşdirilməsi baxımından xüsusi əhəmiyyət daşıyır. O, psixologiyanın müasir çağırışlara cavab verən aparıcı sahələrdən biri olduğunu vurğulayaraq konfransın uğurla təşkilinə görə təşkilatçıları təbrik edib.

Psixologiya Elmi-Tədqiqat İnstitutunun sədri Elnur Rüstəmov çıxışında konfransın yüksək səviyyədə təşkilinə görə Mingəçevir Dövlət Universitetinin rəhbərliyinə və kollektivinə minnətdarlığını ifadə edib. O, qeyd edib ki, regionda belə genişmiqyaslı elmi tədbirin keçirilməsi psixologiya elminin inkişafı, elmi ictimaiyyətin bir araya gətirilməsi və aktual problemlərin müzakirəsi baxımından mühüm əhəmiyyət kəsb edir. Elnur Rüstəmov konfransın elmi nəticələrinin praktik müstəvidə tətbiqinə töhfə verəcəyinə inandığını bildirərək məruzəçilərə tədqiqatlarında müvəffəqiyyətlər diləyib.

Daha sonra çıxış edən Narınc Psixologiya Mərkəzinin təsisçisi, kliniki psixoloq Narınc Rüstəmova psixologiya elminin müasir cəmiyyət üçün artan əhəmiyyətindən bəhs edib. O, multidisiplinar yanaşmanın müxtəlif sahələr üzrə mütəxəssislərin bir araya gəlməsinə imkan yaratdığını və bunun real problemlərin daha effektiv həllinə töhfə verdiyini vurğulayıb. Narınc Rüstəmova belə elmi platformaların gənc psixoloqların inkişafında və universitet–praktika əməkdaşlığının gücləndirilməsində mühüm rol oynadığını qeyd edib.

Daha sonra Türkiyənin Bahçeşehir Universitetinin prorektoru Prof. Dr. Tunç Bozbura və Özbəkistanın Səmərqənd Dövlət Universitetinin prorektoru Dr. Akmal Akhatovun video-təbrikləri nümayiş olunub. Tərəfdaş universitetlərin nümayəndələri çıxışlarında konfransın əhəmiyyətinə toxunaraq təşkilatçıları təbrik edib, məruzəçilərə uğurlar arzulayıblar.
Tədbir bədii hissə ilə davam etdirilib. Universitetin müəllim və tələbələrinin ifasında səsləndirilən milli musiqi nümunələri, vətənpərvərlik ruhunu əks etdirən kompozisiyalar tədbirə xüsusi emosional çalar qataraq iştirakçılar tərəfindən böyük maraq və alqışla qarşılanıb.

Konfrans proqramına uyğun olaraq tədbir panel müzakirələri, bölmə iclasları və praktiki sessiyalarla davam edəcək. Proqram çərçivəsində ilk gün ailə münasibətlərində dəyişən sosial rollar mövzusuna həsr olunmuş panel müzakirələri Psixologiya Elmi-Tədqiqat İnstitutunun sədri Elnur Rüstəmovun moderatorluğu ilə təşkil olunacaq. Növbəti gün isə inklüzivlik, bərabərlik və psixoloji rifah məsələlərinə dair panel müzakirələri MDU-nun Psixologiya və pedaqogika kafedrasının müəllimi Aydın Kərimovun moderatorluğu ilə keçiriləcək.

Bununla yanaşı, konfrans çərçivəsində ümumi və sosial psixologiya, inkişaf psixologiyası, inklüziv təhsil, klinik psixologiya və rəqəmsal transformasiya kimi aktual istiqamətlər üzrə bölmə iclasları təşkil olunur. Praktiki bacarıqların inkişafına yönəlmiş vorkşoplarda Narınc Psixologiya Mərkəzinin rəhbəri, klinik psixoloq Narınc Rüstəmova və mərkəzin əməkdaşı, psixoloq Səbinə Eyyubova tərəfindən iştirakçılara müasir psixoloji yanaşmalar təqdim ediləcək.
Qeyd edək ki, 24–25 aprel tarixlərini əhatə edən konfrans psixologiya sahəsində multidisiplinar elmi yanaşmaların təşviqi, elmi nəticələrin paylaşılması və akademik əməkdaşlığın genişləndirilməsi baxımından mühüm platforma kimi çıxış edir.


Dialoq.az [/yandexrss][shortrss] https://dialoq.az/gundem/2880-yevlaxda-iftar-sufrsi-tskil-olunub-fotolar.html https://dialoq.az/gundem/2880-yevlaxda-iftar-sufrsi-tskil-olunub-fotolar.html Gündəm / Bölgə admin Thu, 05 Mar 2026 11:16:02 +0400 [/shortrss] [fullrss] https://dialoq.az/gundem/2880-yevlaxda-iftar-sufrsi-tskil-olunub-fotolar.html https://dialoq.az/gundem/2880-yevlaxda-iftar-sufrsi-tskil-olunub-fotolar.html ]]> admin Thu, 05 Mar 2026 11:16:02 +0400 [/fullrss] [yandexrss] https://dialoq.az/gundem/2880-yevlaxda-iftar-sufrsi-tskil-olunub-fotolar.html Gündəm / Bölgə Thu, 05 Mar 2026 11:16:02 +0400
Yevlax Şəhər İcra Hakimiyyəti tərəfindən müqəddəs Ramazan ayı münasibətilə şəhid ailələri və qazilərin iştirakı ilə iftar süfrəsi təşkil olunub.
Mərasimdə Yevlax Şəhər İcra Hakimiyyətinin Başçısı Anar Tağıyev, Yeni Azərbaycan Partiyası Yevlax rayon təşkilatının sədri Rafiq Əliyev, Qafqaz Müsəlmanları İdarəsi Qazılar Şurasının üzvü, Gəncə İmamzadə Ziyarətgah Kompleksi Dini İcmasının sədri Hacı Tahir Abbasov, Bərdə rayonundakı “Seyid Yusif Ağa” ocağının rəhbəri Hacı Seyid Səbuhi Yusifov, şəhid ailələri, qazilər, müharibə veteranları, hüquq-mühafizə orqanlarının rəhbərləri və rayon ictimaiyyətinin nümayəndələri iştirak ediblər.

Mərasimin əvvəlində Xalqımızın Ümummilli Lideri Heydər Əliyevin və Azərbaycanın ərazi bütövlüyü uğrunda canlarını fəda etmiş qəhrəman şəhidlərimizin əziz xatirəsi bir dəqiqəlik sükutla yad edilib.
Yevlax “Cümə” məscidinin imamı Hacı Eldəniz Əhmədov “Qurani-Kərim”dən ayələr oxuyub və xalqımızın, dövlətimizin firavanlığı, əmin-amanlığı üçün dualar edib.
Mərasimdə çıxış edən Yevlax Şəhər İcra Hakimiyyətinin Başçısı Anar Tağıyev bildirib ki, ölkəmizdə din və dövlət siyasətinin formalaşması və inkişafı Ümummilli Liderimiz Heydər Əliyev tərəfindən müəyyən edilmişdir. Ulu Öndərin əsasını qoyduğu bu prinsiplər Möhtərəm Prezidentimiz cənab İlham Əliyev tərəfindən həyata keçirilən dövlət siyasətinin təməlini təşkil edir və cəmiyyətin müxtəlif sahələrində öz əksini tapır. Şəhər İcra Hakimiyyətinin Başçısı həmrəylik, dostluq, qardaşlıq, sevgi, mərhəmət və ruzi-bərəkət ayı olan mübarək Ramazan ayında Azərbaycanda və Yevlax rayonunda təşkil olunan iftar süfrələrinin ölkəmizdə tolerantlıq və humanizm ənənələrinin bariz nümunəsi olduğunu qeyd etmişdir.

Şəhər rəhbəri onu da əlavə edib ki, ölkəmizdə tolerantlıq və multikulturalizm ənənələri Azərbaycan cəmiyyətinin əsas dayaqlarından biridir. Bu ənənələr müxtəlif etnik və dini qrupların harmonik şəkildə birgə yaşamasını təmin etmişdir. Azərbaycan müxtəlif mədəniyyət və dinlərdən olan insanların birgə yaşaya bildiyi nadir ölkələrdən biri kimi tanınır. Anar Tağıyev çıxışında vurğulayıb ki, Müzəffər Ali Baş Komandan cənab İlham Əliyevin rəhbərliyi ilə 44 günlük Vətən Müharibəsi zamanı qazanılan tarixi Qələbə nəticəsində ədalət bərpa olunub, torpaqlarımız işğaldan azad edilib və şəhidlərimizin qisası alınıb, artıq şəhidlik zirvəsinə ucalan qəhrəman övladlarımızın ruhları şaddır, onların döyüşlərdə göstərdiyi qəhrəmanlıqlar gələcək nəsillər üçün örnəkdir.
Şəhər rəhbəri Möhtərəm Prezidentimiz İlham Əliyev və Birinci vitse-prezidentimiz hörmətli Mehriban xanım Əliyeva tərəfindən Azərbaycanın ərazi bütövlüyü uğrunda canlarını qurban verən, xalqımıza Qələbə sevinci yaşadan şəhidlərin ailələrinə, sağlamlıqlarını itirmiş qazilərə və müharibə veteranlarına daim xüsusi diqqət və qayğı göstərildiyini,onların sosial və məişət problemlərinin həll olunması məqsədilə müvafiq tədbirlərin həyata keçirildiyini qeyd edib.
İftar mərasimində çıxış edən Bərdə rayonundakı “Seyid Yusif Ağa” ocağının rəhbəri, Seyid Səbuhi Yusifov, Gəncə İmamzadə Ziyarətgah Kompleksinin Dini İcmasının sədri Hacı Tahir Abbasov və Birinci Qarabağ Müharibəsi şəhidinin anası Kübra Ağayeva Ramazan ayının fəzilətlərindən danışaraq, bu ayın insanları gözəl niyyətlər və xeyirxah əməllər naminə birliyə çağırdığını vurğulayıblar. Onlar qeyd ediblər ki, Ramazan ayı insanları əmin-amanlıq, qardaşlıq və bərabərlik yoluna dəvət edir.

Daha sonra mərasim iştirakçılar birlikdə oruclarını açaraq Ramazan ayının mənəvi ab-havasını bölüşüblər.
Mərasimin gedişində rayonda dini, mənəvi dəyərlərin təbliği, qorunması və inkişafı sahəsindəki fəaliyyətlərinə görə Yevlax şəhər “Cümə” məscidinin imamı Nəsib Xəlilov və imam müavini Taleh Eyvazov Yevlax Şəhər İcra Hakimiyyətinin Fəxri Fərmanı ilə təltif olunmuşlar.
İftar mərasiminin iştirakçıları Azərbaycan Respublikasının Prezidenti Müzəffər Ali Baş Komandan cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını ifadə ediblər.

.

.

.

.

.

.

.

.

.

.

.

.

Dialoq.az [/yandexrss][shortrss] https://dialoq.az/siyaset/2764-yevlaxda-xocali-soyqiriminin-34-cu-ildonumu-munasibtil-tdbir-kecirilib-fotolar.html https://dialoq.az/siyaset/2764-yevlaxda-xocali-soyqiriminin-34-cu-ildonumu-munasibtil-tdbir-kecirilib-fotolar.html Siyasət / Bölgə admin Thu, 26 Feb 2026 15:33:54 +0400 [/shortrss] [fullrss] https://dialoq.az/siyaset/2764-yevlaxda-xocali-soyqiriminin-34-cu-ildonumu-munasibtil-tdbir-kecirilib-fotolar.html https://dialoq.az/siyaset/2764-yevlaxda-xocali-soyqiriminin-34-cu-ildonumu-munasibtil-tdbir-kecirilib-fotolar.html ]]> admin Thu, 26 Feb 2026 15:33:54 +0400 [/fullrss] [yandexrss] https://dialoq.az/siyaset/2764-yevlaxda-xocali-soyqiriminin-34-cu-ildonumu-munasibtil-tdbir-kecirilib-fotolar.html Siyasət / Bölgə Thu, 26 Feb 2026 15:33:54 +0400
Yevlax Şəhər İcra Hakimiyyəti tərəfindən Yevlax şəhər Şəhidlər Xiyabanında Xocalı soyqırımının 34-cü ildönümü münasibətilə tədbir keçirilib. Tədbirdə Yevlax Şəhər İcra Hakimiyyətinin Başçısı Anar Tağıyev, Milli Məclisin deputatı İlham Məmmədov, YAP Yevlax rayon təşkilatının sədri Rafiq Əliyev, rayonun hüquq-mühafizə orqanlarının, idarə və müəssisələrin rəhbərləri, şəhid ailələrinin üzvləri, qazilər, veteranlar, rayonda məskunlaşmış Xocalı rayonundan olan keçmiş məcburi köçkünlər və rayon ictimaiyyətinin nümayəndələri iştirak ediblər.

Tədbirin əvvəlində şəhidlərimizin ruhuna dualar oxunub, tədbir iştirakçıları Xocalıda şəhid olmuş həmvətənlərimizin xatirəsinə inşa edilən abidənin və şəhid məzarlarının önünə gül dəstələri düzərək, onların müqəddəs xatirəsini dərin ehtiramla yad ediblər.

Tədbirdə çıxış edən Yevlax Şəhər İcra Hakimiyyətinin Başçısı Anar Tağıyev 1992-ci ilin fevral ayının 25-dən 26-na keçən gecə erməni silahlı birləşmələri tərəfindən törədilmiş cinayətlərdən, uşaqlar, qadınlar və yaşlılar da daxil olmaqla dinc əhaliyə qarşı həyata keçirilmiş vəhşiliklərdən və qətllərdən danışıb. Faciə zamanı Xocalıda yaşayan 3 min nəfərdən 613-ü, o cümlədən 106 qadın, 63 uşaq və 70 qoca xüsusi qəddarlıqla öldürülüb, 487 nəfər, o cümlədən 76 uşaq ağır yaralanıb, 1275 nəfər girov götürülüb və insanı alçaldan işgəncələrə məruz qalıb, 150 nəfərin taleyi hələ də məlum deyildir. Səkkiz ailə tamamilə məhv edilib.

Bildirib ki, Xocalı soyqırımı azərbaycanlılar üçün tarixin ən ağrılı səhifələrindən biri olmaqla yanaşı, ermənilərin əsl üzünü göstərən insanlıq tarixinin ən dəhşətli nümunələrindən biridir. Baş vermiş faciə insanlıq və bəşəriyyət əleyhinə törədilmiş ən ağır cinayətlərdəndir.
İcra Hakimiyyətinin Başçısı Azərbaycan xalqının XX əsrdə üzləşdiyi bu dəhşətli faciəyə yalnız 1993-cü ildə yenidən hakimiyyətə qayıdan Ümummilli Lider Heydər Əliyevin təşəbbüsü ilə dövlət səviyyəsində ilk dəfə siyasi qiymət verildiyini, Milli Məclisin 1994-cü il 24 fevral tarixli qərarı ilə fevralın 26-sı “Xocalı soyqırımı günü” elan olunduğunu, dünya parlamentlərinə və beynəlxalq təşkilatlara bununla bağlı müraciətlər ünvanlandığını qeyd edib. Ulu Öndər Heydər Əliyevin 1997-ci il fevralın 25-də imzaladığı “Xocalı soyqırımı qurbanlarının xatirəsinə sükut dəqiqəsi elan edilməsi haqqında” Sərəncama əsasən, hər il fevralın 26-sı saat 17:00-da ölkəmizdə Xocalı soyqırımı qurbanlarının xatirəsi bir dəqiqəlik sükutla yad edilir.

Anar Tağıyev Möhtərəm Prezidentimiz, Müzəffər Ali Baş Komandan cənab İlham Əliyevin rəhbərliyi ilə Xocalı soyqırımının dünyada tanıdılması istiqamətində məqsədyönlü işlər həyata keçirildiyini və bu istiqamətdə tədbirlərin bu gün də ardıcıl şəkildə davam etdirildiyini tədbir iştirakçılarının diqqətinə çatdırıb. Bu sahədə Heydər Əliyev Fondunun Prezidenti, Azərbaycan Respublikasının Birinci vitse-prezidenti hörmətli Mehriban xanım Əliyevanın və Heydər Əliyev fondunun vitse-prezidenti Leyla xanım Əliyevanın böyük əməyi vardır.
Heydər Əliyev Fondu Xocalı həqiqətlərinin təbliği istiqamətində ardıcıl fəaliyyət göstərir. Mehriban xanım Əliyevanın rəhbərliyi ilə xarici ölkələrdə təqdimatlar keçirilir, nəşrlər və sənədli materiallar hazırlanır, müxtəlif dillərdə məlumat kitabçaları çap olunur.
2008-ci ildə Heydər Əliyev Fondunun vitse-prezidenti Leyla xanım Əliyevanın təşəbbüsü ilə “Xocalıya ədalət” beynəlxalq məlumatlandırma kampaniyasına star verilib. Bu Kompaniya Xocalı hadisələri barədə məlumatlılığın artırılmasına, qurbanların xatirəsinin yaşadılmasına və həqiqətlərin beynəlxalq aləmdə tanıdılmasına yönəlmişdir. Kompaniyanın fəaliyyəti 100 minlərlə şəxs və 115 təşkilat tərəfindən dəstəklənir. İyirmiyə yaxın ölkənin parlamenti, həmçinin ABŞ-nin 20-dən çox ştatı tərəfindən Xocalı soyqırımı ilə bağlı müvafiq parlament qətnamələri qəbul edilib. Şəhər İcra Hakimiyyətinin Başçısı bildirib ki, Möhtərəm Prezidentimizin rəhbərliyi altında Ordumuz tərəfindən 27 sentyabr 2020-ci ildə başlanan və 44 gün davam edən Vətən müharibəsində 30 il düşmən işğal altında qalan torpaqlarımız azad edilib və şəhidlərimizin qisası alınıb.
İcra Hakimiyyətinin Başçısı həmçinin qeyd edib ki, Xocalı şəhəri 2023-cü il sentyabrın 19–20-də Azərbaycan Ordusunun Qarabağda keçirdiyi lokal xarakterli antiterror tədbirləri nəticəsində separatçılardan təmizlənib. Azərbaycan Respublikasının Prezidenti İlham Əliyev 2023-cü il oktyabrın 15-də Xocalı şəhərində Azərbaycan Respublikasının Dövlət Bayrağını ucaldıb. Bu hadisə şəhidlərin qanının yerdə qalmadığını bütün dünyaya nümayiş etdirdi. Dövlətimiz Xocalını yenidən inşa edir, müasir infrastruktur yaradılır. Xocalı sakinləri “Böyük Qayıdış” proqramı çərçivəsində doğma yurdlarına qayıdırlar. Bu gün Xocalı ümidin, dirçəlişin və inkişafın mərkəzinə çevrilib. Şəhərin yenidən qurulması Azərbaycan xalqının öz tarixinə sahib çıxmasının və gələcəyə inamla baxmasının parlaq nümunəsidir.

Tədbirdə Xocalı faciəsinə həsr olunmuş Yevlax Şəhər Mədəniyyət Mərkəzinin əməkdaşları tərəfindən hazırlanan “Artıq Sən Azadsan Xocalı" adlı ədəbi-bədii kompozisiya nümayiş etdirilmişdir.
Xocalı rayonundan olan keçmiş məcburi köçkünlər onlara göstərilən diqqət və qayğıya, yaradılan şəraitə görə Möhtərəm Prezidentimiz, Müzəffər Ali Baş Komandanımız cənab İlham Əliyevə və Birinci vitse-prezidentimiz hörmətli Mehriban xanım Əliyevaya minnətdarlıqlarını bildiriblər.

.

.

.

.

.

.

.

.

.

.

.

.

.

Dialoq.az
[/yandexrss][shortrss] https://dialoq.az/gundem/2635-regionlarda-keciriln-tdbirlr-nec-tskil-edilmlidir-movzu-secimi-duzgun-muzakirlr-v-real-nticlr.html https://dialoq.az/gundem/2635-regionlarda-keciriln-tdbirlr-nec-tskil-edilmlidir-movzu-secimi-duzgun-muzakirlr-v-real-nticlr.html Gündəm / Bölgə admin Sun, 15 Feb 2026 12:03:55 +0400 [/shortrss] [fullrss] https://dialoq.az/gundem/2635-regionlarda-keciriln-tdbirlr-nec-tskil-edilmlidir-movzu-secimi-duzgun-muzakirlr-v-real-nticlr.html https://dialoq.az/gundem/2635-regionlarda-keciriln-tdbirlr-nec-tskil-edilmlidir-movzu-secimi-duzgun-muzakirlr-v-real-nticlr.html ]]> admin Sun, 15 Feb 2026 12:03:55 +0400 [/fullrss] [yandexrss] https://dialoq.az/gundem/2635-regionlarda-keciriln-tdbirlr-nec-tskil-edilmlidir-movzu-secimi-duzgun-muzakirlr-v-real-nticlr.html Gündəm / Bölgə Sun, 15 Feb 2026 12:03:55 +0400
13 fevral 2026-cı il tarixdə Mingəçevir şəhərində Mingəçevir Dövlət Universiteti və AzTU-nun təşkilatçılığı ilə keçirilən “Azərbaycan İES” MMC-də enerji klasteri çərçivəsində vörkşop və “Təhsildə Keyfiyyət, Dayanıqlılıq və İnnovasiya Forumu – 2026” tədbirləri ilə bağlı yazıçı, şair, Azərbaycan Yazıçılar Birliyinin və Azərbaycan Jurnalistlər Birliyinin üzvü, "Qızıl qələm", "Ali Baş Komandan", "Heydər Əliyev-100" media mükafatları laureatı, ehtiyatda olan baş zabit, Türk Ağsaqqalları İctimai Birliyinin üzvü, Milli Qəhrəmanları Tanıtma İctimai Birliyinin Yevlax rayon Nümayəndəliyinin Hərbi Məsələlər Şöbəsinin müdiri, Yeni Yazarlar və Sənətçilər İctimai Birliyində Şəhidlərin Ailə Üzvləri, Qazilər və Yaradıcı Hərbçilərlə İş Departamentinin sədri, Mir Cəlal Paşayev adına Milli Virtual Kitabxananın Şəhidlərin Ailə Üzvləri, Qazilər və Yaradıcı Hərbçilərin bədii yaradıcılıq üzrə bölməsinin rəhbəri, "Dialoq.az" xəbər saytının (Dialoq TV) rəhbəri Natiq Əlisoy müsbət fikirlərini bildirib.

O bildirib ki, son illər ölkəmizin müxtəlif bölgələrində keçirilən ictimai, mədəni və sosial tədbirlərin sayı artsa da, əsas məsələ onların keyfiyyət göstəriciləridir. Tədbirin uğuru yalnız iştirakçı sayında deyil, təşkilatçılıq səviyyəsində, müzakirə olunan mövzuların aktuallığında, səmimiyyət mühitində və yaradılan əməkdaşlıq imkanları ilə ölçülür.

Regionlarda keçirilən tədbirlər dövlətçilik prinsiplərinin möhkəmləndirilməsi, milli-mənəvi dəyərlərin qorunması və ictimai düşüncənin inkişafı baxımından xüsusi əhəmiyyət daşıyır.
Nümunəvi tədbir ilk növbədə onun dəqiq planlaşdırılmasından başlayır. Məkan seçimi, texniki təminat, vaxtın düzgün bölüşdürülməsi və proqramın ardıcıllığı tədbirin keyfiyyətini müəyyən edən əsas faktorlardır. Qarşılanma mərhələsi isə iştirakçılarda ilk təəssüratı formalaşdırır. Qonaqların səmimi və peşəkar şəkildə qarşılanması, qeydiyyat prosesinin operativ təşkili tədbirin ümumi imicinə birbaşa təsir göstərir.

Region tədbirlərində seçilən mövzular yerli ictimaiyyətin real problemlərini əhatə etməli, eyni zamanda ümumdövlət maraqlarına xidmət etməlidir. Dövlətçilik prinsiplərinin təbliği, vətənpərvərlik ruhunun gücləndirilməsi, milli adət-ənənələrə hörmət kimi istiqamətlər xüsusi yer tutmalıdır. Çıxış edən natiqlər konkret faktlara əsaslanmalı, statistik məlumat və real təkliflərlə çıxış etməlidirlər.
Audiovizual təqdimat üçün nəzərdə tutulan çıxışların qısa, aydın və emosional baxımdan təsirli olması olduqca vacibdir. Uzun və təkrarlanan nitqlər dinləyicinin diqqətini azaldır. Əvəzində konkret təkliflər və həll yolları tədbirin praktik əhəmiyyətini artırır.

Müasir dövrdə tədbirlər yalnız ənənəvi çıxış formatı ilə məhdudlaşmamalıdır. Panel müzakirələr, sual-cavab sessiyaları, gənclərin aktiv iştirakı, multimedia təqdimatları tədbirə dinamika gətirir. Yeni ideyaların irəli sürülməsi və innovativ yanaşmalar regionların hərtərəfli inkişafına böyük töhfə verə bilər.

Keçirilən tədbirlərin ən mühüm nəticələrindən biri də yeni dostluq və əməkdaşlıq əlaqələrinin qurulması olmalıdır. Rəsmi çərçivə ilə yanaşı, qeyri-rəsmi ünsiyyət imkanlarının yaradılması iştirakçılar arasında etimadı möhkəmləndirir. Bu isə gələcək layihələrin və birgə təşəbbüslərin əsasını qoyur.

Regionlarda keçirilən tədbirlər eyni zamanda milli kimliyin qorunmasına da xidmət etməlidir. Dövlət rəmzlərinə hörmət, milli musiqi və mədəni elementlərin proqramda yer alması tədbirin ruhunu formalaşdırır. Eyni zamanda, ictimai düşüncənin inkişafına yönəlmiş maarifləndirici çıxışlar və müzakirələr cəmiyyətin intellektual səviyyəsinin yüksəlməsinə təkan verir.

Odur ki, nümunəvi tədbir təsadüf nəticəsi deyil, planlı və məsuliyyətli təşkilatçılığın məhsuludur. Keyfiyyətli proqram, peşəkar aparıcılıq, aktual mövzular, interaktiv müzakirələr və səmimi mühit bir araya gəldikdə tədbir yalnız bir günlük hadisə deyil, uzunmüddətli ictimai təsirə malik platformaya çevrilir. Düzgün qurulmuş tədbir model isə həm dövlətçilik prinsiplərinin inkişafına, həm də milli dəyərlərin qorunmasına real töhfə verə bilər.

Düşünürəm ki, 13 fevral 2026-cı il tarixdə Mingəçevir şəhərində Mingəçevir Dövlət Universiteti və AzTU-nun təşkilatçılığı ilə keçirilən “Azərbaycan İES” MMC-də enerji klasteri çərçivəsində vörkşop və “Təhsildə Keyfiyyət, Dayanıqlılıq və İnnovasiya Forumu – 2026” tədbirləri regionlarda təşkil olunan tədbirlərə real müsbət nümunədir. Bu kimi uğurlu tədbirlər bizləri sevindirir,-Deyə yazıçı bildirib".




















Dialoq.az [/yandexrss][shortrss] https://dialoq.az/hadise/2377-turkiyd-mhbuslari-dasiyan-avtobus-asdi-19-yarali.html https://dialoq.az/hadise/2377-turkiyd-mhbuslari-dasiyan-avtobus-asdi-19-yarali.html Hadisə / Bölgə admin Thu, 29 Jan 2026 20:34:33 +0400 [/shortrss] [fullrss] https://dialoq.az/hadise/2377-turkiyd-mhbuslari-dasiyan-avtobus-asdi-19-yarali.html https://dialoq.az/hadise/2377-turkiyd-mhbuslari-dasiyan-avtobus-asdi-19-yarali.html ]]> admin Thu, 29 Jan 2026 20:34:33 +0400 [/fullrss] [yandexrss] https://dialoq.az/hadise/2377-turkiyd-mhbuslari-dasiyan-avtobus-asdi-19-yarali.html Hadisə / Bölgə Thu, 29 Jan 2026 20:34:33 +0400
Türkiyənin İstanbul şəhərində həbsxanaya məxsus, məhbusları daşıyan nəqliyyat vasitəsi aşıb.

“Dialoq.az ” “TRT Haber”ə istinadən xəbər verir ki, hadisə Eyüpsultan rayonunda baş verib.

Məlumata görə, qəzada 2-si ağır olmaqla 19 nəfər xəsarət alıb.

Hadisə ilə bağlı məlumat verildikdən sonra əraziyə çoxlu sayda tibb, polis və yanğınsöndürmə briqadaları göndərilib.
Dialoq.az [/yandexrss][shortrss] https://dialoq.az/siyaset/2341-rdogan-milyonlarla-suriyali-qacqin-oz-vtnin-qayidib.html https://dialoq.az/siyaset/2341-rdogan-milyonlarla-suriyali-qacqin-oz-vtnin-qayidib.html Siyasət / Bölgə admin Tue, 27 Jan 2026 17:00:00 +0400 [/shortrss] [fullrss] https://dialoq.az/siyaset/2341-rdogan-milyonlarla-suriyali-qacqin-oz-vtnin-qayidib.html https://dialoq.az/siyaset/2341-rdogan-milyonlarla-suriyali-qacqin-oz-vtnin-qayidib.html ]]> admin Tue, 27 Jan 2026 17:00:00 +0400 [/fullrss] [yandexrss] https://dialoq.az/siyaset/2341-rdogan-milyonlarla-suriyali-qacqin-oz-vtnin-qayidib.html Siyasət / Bölgə Tue, 27 Jan 2026 17:00:00 +0400
Suriyada bundan sonra resurslar yeraltında tunellərin qazılmasına deyil, üzəri infrastruktur layihələrinə yönəldiləcək.

Dialoq.az xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

Prezident qeyd edib ki, bu resurslar məktəblərin, xəstəxanaların, çörəkxanaların, fabriklərin və yolların tikintisinə sərf olunacaq:

"Suriyanın rifahını təmin etmək regionda davamlı inkişafı dəstəkləməkdir. Milyonlarla suriyalı qaçqın öz vətəninə qayıdıb, onlardan 600 mindən çoxu ölkəmizdən olub".
Dialoq.az [/yandexrss]