https://dialoq.az/ Araşdırma - Dialoq.az[shortrss] https://dialoq.az/sosial/4003-alkoqoldan-imtina-etdikd-beyind-n-bas-verir-arasdirmalarin-nticlri.html https://dialoq.az/sosial/4003-alkoqoldan-imtina-etdikd-beyind-n-bas-verir-arasdirmalarin-nticlri.html Sosial / Araşdırma admin Thu, 06 Aug 2026 05:43:16 +0400 [/shortrss] [fullrss] https://dialoq.az/sosial/4003-alkoqoldan-imtina-etdikd-beyind-n-bas-verir-arasdirmalarin-nticlri.html https://dialoq.az/sosial/4003-alkoqoldan-imtina-etdikd-beyind-n-bas-verir-arasdirmalarin-nticlri.html ]]> admin Thu, 06 Aug 2026 05:43:16 +0400 [/fullrss] [yandexrss] https://dialoq.az/sosial/4003-alkoqoldan-imtina-etdikd-beyind-n-bas-verir-arasdirmalarin-nticlri.html Sosial / Araşdırma Thu, 06 Aug 2026 05:43:16 +0400
Alkoqoldan istifadənin azaldılması və ya tamamilə dayandırılması beynin müəyyən dərəcədə bərpasına səbəb ola bilər. Alimlər bildirirlər ki, uzunmüddətli alkoqol qəbulu beyində ciddi dəyişikliklər yaratsa da, insan orqanizminin əsas xüsusiyyətlərindən biri olan neyroplastiklik sayəsində bəzi funksiyalar yenidən yaxşılaşa bilir.

Dialoq.az. Demokrat.az'a istinadən
xəbər verir ki, “Washington Post” nəşrinin yazdığına görə, alkoqol dünyada ən geniş yayılan psixoaktiv maddələrdən biridir. ABŞ-da 2024-cü ildə keçirilən sorğuya əsasən, 12 yaşdan yuxarı insanların təxminən 80 faizi həyatında ən azı bir dəfə spirtli içki qəbul etdiyini bildirib.

Mütəxəssislərin sözlərinə görə, alkoqol beyində qısa müddətdə rahatlıq və eyforiya hissi yaratsa da, uzunmüddətli istifadədə mənfi təsirlər göstərə bilər. Araşdırmalar göstərir ki, davamlı alkoqol qəbulu boz maddənin həcminin azalmasına, yaddaş, diqqət və qərarvermə qabiliyyətinin zəifləməsinə səbəb ola bilər.

Alkoqol beyində mükafat sisteminə təsir edərək dopamin ifrazını artırır. Eyni zamanda stress və narahatlıq hisslərini qısa müddətə azaldır. Lakin təsiri keçdikdən sonra stress sistemləri daha güclü şəkildə aktivləşə bilər. Bu isə zamanla insanın eyni təsiri əldə etmək üçün daha çox alkoqola ehtiyac duymasına gətirib çıxarır.

Alimlər qeyd edirlər ki, ağır və uzunmüddətli alkoqol istifadəsi beynin ön hissələrində – emosiyaların idarə olunması, yaddaş və davranış nəzarətində mühüm rol oynayan sahələrdə – dəyişikliklər yarada bilər. Bəzi ağır hallarda bu, alkoqolla əlaqəli demensiya və yeni xatirələrin formalaşmasında çətinliklərlə nəticələnə bilər.

Lakin müsbət tərəf ondan ibarətdir ki, alkoqoldan uzaqlaşdıqda beyin bərpa prosesinə başlaya bilər. 2024-cü ildə aparılan 16 araşdırmanın icmalı göstərib ki, alkoqol istifadəsi pozuntusu olan və içkidən imtina edən insanlarda diqqət, yaddaş və digər idrak funksiyaları 6-12 ay ərzində yaxşılaşa bilər.

2022-ci ildə aparılan neyroloji görüntüləmə tədqiqatları da göstərib ki, alkoqoldan imtina edən şəxslərdə beynin ön hissələrində bərpa əlamətləri, o cümlədən boz maddənin həcminin artması müşahidə olunub. Ən böyük dəyişikliklərin isə ilk ay ərzində baş verdiyi müəyyən edilib.

Mütəxəssislər vurğulayırlar ki, hətta alkoqol qəbulunun azaldılması belə beyinə müsbət təsir göstərə bilər. Yəni tam imtina mümkün olmasa belə, istehlakın aşağı salınması beyin sağlamlığının qorunmasına kömək edə bilər.
Dialoq.az [/yandexrss][shortrss] https://dialoq.az/arasdirma/3826-bakida-avtobus-ev-cirpildi-5-srnisin-xsart-aldi.html https://dialoq.az/arasdirma/3826-bakida-avtobus-ev-cirpildi-5-srnisin-xsart-aldi.html Araşdırma admin Sat, 04 Jul 2026 21:47:01 +0400 [/shortrss] [fullrss] https://dialoq.az/arasdirma/3826-bakida-avtobus-ev-cirpildi-5-srnisin-xsart-aldi.html https://dialoq.az/arasdirma/3826-bakida-avtobus-ev-cirpildi-5-srnisin-xsart-aldi.html ]]> admin Sat, 04 Jul 2026 21:47:01 +0400 [/fullrss] [yandexrss] https://dialoq.az/arasdirma/3826-bakida-avtobus-ev-cirpildi-5-srnisin-xsart-aldi.html Araşdırma Sat, 04 Jul 2026 21:47:01 +0400
Bakının Sabunçu rayonunda yol qəzası baş verib.

Dialoq.az xəbər verir ki,hadisə Bakıxanov qəsəbəsində qeydə alınıb.

Yavər Əliyev küçəsində 113 nömrəli marşut üzrə hərəkət edən sərnişin avtobusunun sürücüsü sükana nəzarəti itirib.

Avtobus fərdi yaşayış evinə çırpılıb. Qəza nəticəsində sərnişinlər 1986-cı il təvəllüdlü Diana Həmzəyeva, 1961-ci təvəllüdlü Mirzəyev Ağalar Dilavər oğlu, 2005-ci il təvəllüdlü Hüseynova Fatimə Telman qızı və bacısı Hüseynova Zəhra müxtəlif bədən xəsarətləri alıb.

Yaralılar Sabunçu Tibb Mərkəzinə yerləşdirilib. Hazırda onlar müayinə edilir.
Dialoq.az

[/yandexrss][shortrss] https://dialoq.az/hadise/3078-azal-tyyarsi-il-bagli-istintaq-yaxin-vaxtlarda-yekunlasacaq.html https://dialoq.az/hadise/3078-azal-tyyarsi-il-bagli-istintaq-yaxin-vaxtlarda-yekunlasacaq.html Hadisə / Araşdırma admin Fri, 20 Mar 2026 16:06:12 +0400 [/shortrss] [fullrss] https://dialoq.az/hadise/3078-azal-tyyarsi-il-bagli-istintaq-yaxin-vaxtlarda-yekunlasacaq.html https://dialoq.az/hadise/3078-azal-tyyarsi-il-bagli-istintaq-yaxin-vaxtlarda-yekunlasacaq.html ]]> admin Fri, 20 Mar 2026 16:06:12 +0400 [/fullrss] [yandexrss] https://dialoq.az/hadise/3078-azal-tyyarsi-il-bagli-istintaq-yaxin-vaxtlarda-yekunlasacaq.html Hadisə / Araşdırma Fri, 20 Mar 2026 16:06:12 +0400
Qazaxıstan Baş nazirinin müavini Kanat Bozumbayev “Azərbaycan Hava Yolları”na (AZAL) məxsus təyyarənin qəzaya uğraması ilə bağlı aparılan istintaqın gedişatı barədə danışıb.

“Dialoq.az ” “Orda.kz” portalına istinadən xəbər verir ki, hökumət rəsmisi yaxın vaxtlarda istintaqın texniki aspektlərinin yekunlaşdırılacağını bildirib:

“Artıq bütün zəruri texniki məlumatlar toplanıb, təyyarə və avadanlıq istehsalçılarından ekspert rəyləri alınıb. Həmçinin GPS izləyiciləri və naviqasiya sistemlərindən əldə olunan göstəricilərin təhlili başa çatdırılıb. Hadisənin araşdırılmasında Qazaxıstan, Azərbaycan, “Embraer” şirkəti və müvafiq beynəlxalq agentliklərin nümayəndələrindən ibarət genişmiqyaslı beynəlxalq komissiya iştirak edir. İstintaqın hüquqi tərəfləri hazırda Rusiya tərəfinin atacağı addımlardan asılıdır”.

Xatırladaq ki, 25 dekabr 2024-cü ildə Bakı-Qroznı reysini yerinə yetirən AZAL-a məxsus “Embraer 190” təyyarəsi Aktau yaxınlığında qəzaya uğrayıb. Göyərtədə ümumilikdə 67 nəfər olub ki, qəza nəticəsində onlardan 38 nəfər həyatını itirib, 29 nəfər isə sağ qalıb.
Dialoq.az [/yandexrss][shortrss] https://dialoq.az/arasdirma/2006-dunyanin-n-agilli-olksi-aciqlandi.html https://dialoq.az/arasdirma/2006-dunyanin-n-agilli-olksi-aciqlandi.html Araşdırma admin Tue, 23 Dec 2025 08:26:39 +0400 [/shortrss] [fullrss] https://dialoq.az/arasdirma/2006-dunyanin-n-agilli-olksi-aciqlandi.html https://dialoq.az/arasdirma/2006-dunyanin-n-agilli-olksi-aciqlandi.html ]]> admin Tue, 23 Dec 2025 08:26:39 +0400 [/fullrss] [yandexrss] https://dialoq.az/arasdirma/2006-dunyanin-n-agilli-olksi-aciqlandi.html Araşdırma Tue, 23 Dec 2025 08:26:39 +0400
Dünyanın ən ağıllı ölkəsi açıqlanıb.

Dialoq.az “Qafqazinfo” ya istinadən xəbər verir ki, yeni tədqiqatlar Nobel mükafatına namizədlik, IQ və dərəcələr də daxil olmaqla, bir sıra amilləri nəzərə alaraq hansı ölkələrin əhalisinin ən ağıllı olduğunu müəyyənləşdirib.

Belə ki, İsveçrə 100 baldan 92.02 balla birinci yeri tutub.

Bu Avropa ölkəsində 1099 Nobel mükafatına namizəd var və əhali arasında orta IQ (Intelligence Quotient - Zəka əmsalı) 99.24-dir.

İsveçrədə yetkinlərin 40.02 faizi ən azı bakalavr dərəcəsinə malikdir ki, bu da bütün ölkələr arasında ən yüksək göstəricidir, 18.05 faiz əhali minimum magistr dərəcəsinə malikdir.

Böyük Britaniya “World of Card Games” tərəfindən aparılan araşdırmada ümumilikdə 89.4 bal toplayaraq ikinci yeri tutub.

Bu ölkədə 2393 Nobel mükafatına namizəd göstərilib, yetkinlərin 39,59 faizi bakalavr dərəcəsinə malikdir.

Britaniyalıların orta IQ-sü 99,12-dir, əhalinin 14,37 faizi ən azı magistr dərəcəsinə malikdir.

Araşdırmaya əsasən, ABŞ 89.18 balla üçüncü yeri tutaraq, yetkinlərin 38.57 faizinin bakalavr, 14.79 faizinin isə magistr dərəcəsinə malik olması ilə yüksək ali təhsil göstəricilərinə malik olduğunu göstərib.

ABŞ-də 5717 nəfər Nobel mükafatına namizəd var, bu isə təhlil edilən bütün ölkələr arasında ən yüksək göstəricidir.

Niderland dördüncü yeri tutub və ümumi balı 87,3-dür. Ölkədə orta IQ 100,74, bakalavr səviyyəsində təhsil alanların payı isə 36,63 faizdir.

Belçika beşinci yeri tutub, ölkənin ümumi balı 86,58 və orta IQ göstəricisi 97,49-dur.

Avropa ölkələri ilk 10-luğu, demək olar ki, tamamilə tutub, siyahıya İsveç, Almaniya, Polşa, Danimarka və Finlandiya daxil olmaqla, doqquz ölkə daxildir.

Finlandiya IQ göstəricisi (101,20) ilə fərqlənərək ən yüksək nəticəni əldə edib. [/yandexrss][shortrss] https://dialoq.az/sosial/1963-alimlr-limon-formali-planet-ksf-etdilr.html https://dialoq.az/sosial/1963-alimlr-limon-formali-planet-ksf-etdilr.html Sosial / Araşdırma admin Sat, 20 Dec 2025 00:26:39 +0400 [/shortrss] [fullrss] https://dialoq.az/sosial/1963-alimlr-limon-formali-planet-ksf-etdilr.html https://dialoq.az/sosial/1963-alimlr-limon-formali-planet-ksf-etdilr.html ]]> admin Sat, 20 Dec 2025 00:26:39 +0400 [/fullrss] [yandexrss] https://dialoq.az/sosial/1963-alimlr-limon-formali-planet-ksf-etdilr.html Sosial / Araşdırma Sat, 20 Dec 2025 00:26:39 +0400
Alimlər son dərəcə qeyri-adi bir ekzoplanetin kəşfini elan ediblər.

Dialoq.az Teleqraf-a istinadən xəbər verir ki, "PSR J2322–2650b" adlandırılan qaz nəhəngi Ceyms Vebb Kosmik Teleskopu vasitəsilə kəşf edilib və artıq elmi ictimaiyyətdə geniş maraq doğurub.

Planet ölçülərinə görə Yupiterlə müqayisə edilə bilər, lakin fiziki xüsusiyyətləri astronomlar tərəfindən əvvəllər müşahidə edilən hər hansı bir planetdən kəskin şəkildə fərqlənir. Yeni planet həddindən artıq cazibə qüvvəsinin təsiri altında uzanır və limona bənzəyir. Alimlər hesab edirlər ki, bu deformasiya onun ətrafında fırlandığı ulduzun güclü cazibə qüvvəsi təsiri ilə yaranır.

Əksər məlum ekzoplanetlərdən fərqli olaraq, "PSR J2322–2650b" adi bir ulduz deyil, pulsar - neytron ulduzu ətrafında fırlanır. Bu cismin kütləsi Günəşin kütləsi ilə müqayisə edilə bilər. Planet Yerdən təxminən 750 işıq ili məsafədə yerləşir.

Yaxın orbitinə görə, qamma şüaları da daxil olmaqla, daim güclü radiasiyaya məruz qalır. Ulduz ətrafında tam bir dövr cəmi 7,8 saat çəkir.

Tədqiqatçılar planetin atmosferinin kimyəvi tərkibinə təəccübləniblər.

Çikaqo Universitetinin doktoru Maykl Çjanın sözlərinə görə, bu tip atmosfer heç bir ekzoplanetdə müşahidə edilməyib.

"PSR J2322–2650b" həmçinin neytron ulduzunun ətrafında fırlanan yeganə məlum qaz nəhəngidir. Bu, onu daha da sirli edir.

Planetin mənşəyi hələ də məlum deyil. Tədqiqatçıların fikrincə, o, normal bir planet kimi və ya ulduzun məhv olması nəticəsində əmələ gələ bilməzdi.
Dialoq.az [/yandexrss][shortrss] https://dialoq.az/arasdirma/1954-amea-kamran-sdova-fxri-diplomu-n-vaxt-verib-aciqlama.html https://dialoq.az/arasdirma/1954-amea-kamran-sdova-fxri-diplomu-n-vaxt-verib-aciqlama.html Araşdırma admin Fri, 19 Dec 2025 22:49:48 +0400 [/shortrss] [fullrss] https://dialoq.az/arasdirma/1954-amea-kamran-sdova-fxri-diplomu-n-vaxt-verib-aciqlama.html https://dialoq.az/arasdirma/1954-amea-kamran-sdova-fxri-diplomu-n-vaxt-verib-aciqlama.html ]]> admin Fri, 19 Dec 2025 22:49:48 +0400 [/fullrss] [yandexrss] https://dialoq.az/arasdirma/1954-amea-kamran-sdova-fxri-diplomu-n-vaxt-verib-aciqlama.html Araşdırma Fri, 19 Dec 2025 22:49:48 +0400
Azərbaycan Milli Elmlər Akademiyası (AMEA) sosial şəbəkələrdə Kamran Əsədova fəxri diplom verilməsi ilə bağlı yayılan məlumatlara münasibət bildirib.

“Dialoq.az ” xəbər verir ki, AMEA-nın Mətbuat Xidmətinin yaydığı açıqlamada bildirilir ki, həmin fəxri diplomlar bu ilin aprelində təqdim olunub:

“Ölkəmizin media nümayəndələrinə fəxri diplomlar sosial şəbəkələrdə yazıldığı kimi heç də “bir müddət öncə” deyil, Milli Elmlər Akademiyasının “Elm günü” ilə əlaqədar 10 aprel 2025-ci il tarixdə keçirdiyi tədbirdə təqdim olunub.

AMEA tərəfindən 2024-cü ildə və 2025-ci ilin “Elm günü” tədbirinin qeyd olunduğu vaxtadək ölkə mətbuatında və sosial şəbəkələrdə Akademiya Rəyasət Heyətinin və elmi-tədqiqat institutlarının fəaliyyətini, keçirdikləri tədbirləri işıqlandırmaqda fərqlənən mətbuat işçilərinə fəxri diplomların verilməsi nəzərdə tutulub”.

Qeyd edilib ki, AMEA mətbuat xidmətinin apardığı araşdırmalar əsasında Akademiyada keçirilən tədbirlərin işıqlandırılması sahəsində fərqləndikləri üçün dövlət mətbuatından Əflatun Amaşov (“Xalq qəzeti”nin baş redaktoru), müstəqil mətbuat sahəsindən Yusif Rzayev (“525-ci qəzet”in baş redaktorunun birinci müavini), sosial şəbəkə mətbuatından Kamran Əsədov, Akademiya mətbuat nümayəndələrindən isə İlham Alıyev “Elm günü” tədbirlərində fəxri diplomlarla təltif olunublar:

“Əməkdaşımız İlham Alıyevdən başqa, yuxarıda adları çəkilən Əflatun Amaşov və Yusif Rzayevi əvvəlcədən şəxsən tanıdığımız halda, Kamran Əsədovla Akademiyada birinci və sonuncu görüş “Elm günü” ilə əlaqədar tədbirdə olub”.

O da bildirilib ki, adları çəkilən mətbuat işçilərinə diplom verilərkən Kamran Əsədov haqqında inzibati məsuliyyətə cəlb edilmə ilə bağlı heç bir rəsmi məlumata rast gəlinməyib:

“Ona görə də səkkiz ay sonra baş vermiş hadisəni ümumi mətndən ayırmaq və bilərəkdən “az müddət öncə” olmuş əhvalat kimi cəmiyyətə təqdim etmək Akademiyanı məqsədli şəkildə hər hansı bir xoşagəlməz hadisəyə cəlb etmək və ya adını süni şəkildə hallandırmaq məqsədi daşıyır”.
Dialoq.az [/yandexrss][shortrss] https://dialoq.az/sosial/1953-ayda-nuv-reaktoru-quracaqlar.html https://dialoq.az/sosial/1953-ayda-nuv-reaktoru-quracaqlar.html Sosial / Araşdırma admin Fri, 19 Dec 2025 22:46:41 +0400 [/shortrss] [fullrss] https://dialoq.az/sosial/1953-ayda-nuv-reaktoru-quracaqlar.html https://dialoq.az/sosial/1953-ayda-nuv-reaktoru-quracaqlar.html ]]> admin Fri, 19 Dec 2025 22:46:41 +0400 [/fullrss] [yandexrss] https://dialoq.az/sosial/1953-ayda-nuv-reaktoru-quracaqlar.html Sosial / Araşdırma Fri, 19 Dec 2025 22:46:41 +0400
ABŞ administrasiyası kosmik tədqiqatlar sahəsində inqilabi addım atmağa hazırlaşır.

“Dialoq.az ” xəbər verir ki, bu barədə xarici KİV məlumat yayıb.

Məlumata görə, Ağ Ev tərəfindən dərc edilmiş “Kosmik Mükəmməlliyin Təmin Edilməsi haqqında” prezident sərəncamına əsasən, 2030-cu ilə qədər Ayın səthinə nüvə reaktorunun yerləşdirilməsi planlaşdırılır.

Rəsmi sənədə görə, ABŞ həmçinin aşağı Yer orbitində də nüvə reaktorlarının quraşdırılmasını nəzərdə tutur. Bu layihə uzunmüddətli kosmik missiyaların enerji təminatı üçün strateji əhəmiyyət kəsb edir.

Bundan əlavə, Amerika astronavtlarının 2028-ci ilə qədər Aya eniş etməsi və orada daimi stansiyalar qurması hədəflənir. ABŞ administrasiyası Ay proqramını gələcəkdə Marsa həyata keçiriləcək uçuşlar üçün mühüm bir sınaq mərhələsi və plasdarm kimi qiymətləndirir.
Dialoq.az [/yandexrss][shortrss] https://dialoq.az/hadise/1925-21-yasli-sgr-hospitalda-vfat-edib-rsmi.html https://dialoq.az/hadise/1925-21-yasli-sgr-hospitalda-vfat-edib-rsmi.html Hadisə / Araşdırma admin Thu, 18 Dec 2025 13:36:06 +0400 [/shortrss] [fullrss] https://dialoq.az/hadise/1925-21-yasli-sgr-hospitalda-vfat-edib-rsmi.html https://dialoq.az/hadise/1925-21-yasli-sgr-hospitalda-vfat-edib-rsmi.html ]]> admin Thu, 18 Dec 2025 13:36:06 +0400 [/fullrss] [yandexrss] https://dialoq.az/hadise/1925-21-yasli-sgr-hospitalda-vfat-edib-rsmi.html Hadisə / Araşdırma Thu, 18 Dec 2025 13:36:06 +0400
Hərbi Prokurorluqda 21 yaşlı əsgər Əli Cəfərovun ölüm faktı üzrə araşdırma aparılır.

Dialoq.az Qafqazinfo-ya istinadən xəbər verir ki,bu barədə Hərbi Prokurorluqdan məlumat verilib.

Bildirilib ki, Azərbaycan Silahlı Qüvvələrinin hərbi qulluqçusu, əsgər Əli Vahab oğlu Cəfərovun xəstəlikdən müalicə olunduğu hospitalda 15.12.2025-ci il tarixdə vəfat etməsi faktı əsasında Bakı Hərbi Prokurorluğunun əməkdaşları tərəfindən müvafiq istintaq hərəkətləri aparılıb.

“Ölümün səbəbinin müəyyən edilməsi məqsədilə ekspertiza təyin olunub, eləcə də digər prosessual tədbirlər icra edilib. Faktla bağlı hazırda araşdırma davam etdirilir”, - məlumatda vurğulanıb.
Dialoq.az [/yandexrss][shortrss] https://dialoq.az/gundem/1918-thsilin-inkisafi-fondunun-yeni-sdri-kimdir.html https://dialoq.az/gundem/1918-thsilin-inkisafi-fondunun-yeni-sdri-kimdir.html Gündəm / Araşdırma admin Thu, 18 Dec 2025 12:20:36 +0400 [/shortrss] [fullrss] https://dialoq.az/gundem/1918-thsilin-inkisafi-fondunun-yeni-sdri-kimdir.html https://dialoq.az/gundem/1918-thsilin-inkisafi-fondunun-yeni-sdri-kimdir.html ]]> admin Thu, 18 Dec 2025 12:20:36 +0400 [/fullrss] [yandexrss] https://dialoq.az/gundem/1918-thsilin-inkisafi-fondunun-yeni-sdri-kimdir.html Gündəm / Araşdırma Thu, 18 Dec 2025 12:20:36 +0400
Məlum olduğu kimi, elm və təhsil naziri Emin Əmrullayevin müvafiq əmri ilə Nicat Məmmədli Təhsilin İnkişafı Fonduna sədr təyin edilib.

Dialoq.az “Qafqazinfo” ya istinadən yeni sədrin dosyesini təqdim edir:

Nicat Məmmədli 1997-ci ildə Bakı Dövlət Universitetinin Sosial elmlər və psixologiya fakültəsinin politologiya ixtisasını, 1999-cu ildə isə BDU-nun (Azərbaycanda siyasi proseslər ixtisası üzrə) magistraturasını fərqlənmə diplomu ilə bitirib. 2002-ci ildə BDU-nun dissertanturasına daxil olub. 2010-cu ildə ABŞ-nin Qərbi İllinoys Universitetinin magistraturasını ictimai siyasət ixtisası üzrə bitirib.

1999-2008-ci illərdə Bakı Dövlət Universitetinin Politologiya və sosiologoya kafedrasında, 2003-2006-ci illərdə Azərbaycan Respublikası Silahlı Qüvvələrinin Hərbi Akademiyasında müəllim işləyib.

O, 2007-ci ilin iyun-dekabr aylarında Azərbaycan Respublikasının İnsan Hüquqları üzrə Müvəkilinin (Ombudsman) aparatında uşaq hüquqları bölməsinin rəhbəri vəzifəsində çalışıb. 2008-2010-ci illərdə ABŞ-nin Qərbi İllinoys Universitetinin magistraturasında təhsil aldığı müddətdə həmin universitetdə müəllim assistenti işləyib.

Nicat Məmmədli 2013-2018-ci illərdə Dini Qurumlarla İş üzrə Dövlət Komitəsinin Beynəlxalq əlaqələr şöbəsinin müdiri vəzifəsində fəaliyyət göstərib. 2018-ci ildən Elm və Təhsil Nazirliyində Beynəlxalq əməkdaşlıq şöbəsinin müdiri, Elm, ali və orta ixtisas təhsili şöbəsinin müdiri, nazirinin müşaviri kimi müxtəlif vəzifələrdə çalışıb.
Dialoq.az [/yandexrss][shortrss] https://dialoq.az/sosial/1910-niy-tez-tez-qara-cay-icmlisiniz-cavab.html https://dialoq.az/sosial/1910-niy-tez-tez-qara-cay-icmlisiniz-cavab.html Sosial / Araşdırma admin Wed, 17 Dec 2025 19:09:14 +0400 [/shortrss] [fullrss] https://dialoq.az/sosial/1910-niy-tez-tez-qara-cay-icmlisiniz-cavab.html https://dialoq.az/sosial/1910-niy-tez-tez-qara-cay-icmlisiniz-cavab.html ]]> admin Wed, 17 Dec 2025 19:09:14 +0400 [/fullrss] [yandexrss] https://dialoq.az/sosial/1910-niy-tez-tez-qara-cay-icmlisiniz-cavab.html Sosial / Araşdırma Wed, 17 Dec 2025 19:09:14 +0400
Alimlər müəyyən ediblər ki, qara çayın müntəzəm istifadəsi orqanizmə müsbət təsir göstərir və sağlamlığın qorunmasına kömək edir. Dünyada milyonlarla insanın gündəlik istehlak etdiyi qara çay düşündüyümüzdən daha çox fayda verə bilər. Yeni elmi araşdırmalar bu içkinin sağlamlığın bir neçə mühüm sahəsinə eyni zamanda müsbət təsir göstərdiyini təsdiqləyib.

Dialoq.az xəbər verir ki, tədqiqatlara görə, qara çayın müntəzəm qəbulu ağız boşluğunun sağlamlığının qorunmasına kömək edir.

Geniş yayılmış fikrin əksinə olaraq, qara çay diş ərpinin yaranmasını artırmır, əksinə onun azalmasına şərait yaradır. İçkinin tərkibində olan polifenollar diş minasını zədələyən və kariyesə səbəb olan bakteriyaların çoxalmasını zəiflədir.

Alimlər qara çayın ürək-damar sisteminə təsirinə də xüsusi diqqət ayırıblar. Məlum olub ki, gündə azı üç fincan qara çay içən insanlarda insult riski xeyli aşağı olur. Mütəxəssislərin hesablamalarına görə, bu risk təxminən 20 faiz azalır. Maraqlıdır ki, yaşıl çay bu baxımdan daha zəif təsir göstərir.

Qara çayın tərkibindəki antioksidantlar hüceyrə səviyyəsində orqanizmin qorunmasında mühüm rol oynayır. Polifenollar alkoqol, siqaret tüstüsü və zərərli kimyəvi maddələrin təsiri nəticəsində yarana bilən DNT zədələnmələrinin qarşısını almağa kömək edir. Oxşar maddələr meyvə və tərəvəzlərdə də mövcuddur və həkimlər onları gündəlik qidalanmaya daxil etməyi tövsiyə edirlər.

Bundan əlavə, qara çay onkoloji xəstəliklərin profilaktikasında da potensial amil kimi qiymətləndirilir. Antioksidantlar və katexinlərin birgə təsiri bəzi xərçəng növlərinin yaranma riskini azalda bilər. Xüsusilə araşdırmalar göstərir ki, qara çayı müntəzəm içən qadınlarda yumurtalıq xərçəngi daha az müşahidə olunur.

Mütəxəssislər vurğulayırlar ki, qara çayın faydası əsasən ölçülü və davamlı istifadə zamanı, ümumi sağlam həyat tərzi ilə birlikdə özünü göstərir.
Dialoq.az [/yandexrss]