Bakı Limanının yük dövriyyəsi 20 % artıb

Millət vəkilindən Əli Kərimliyə siyasi dərs: "Görün o nə qədər başı boş adamdır. O, şarlatandır". - VİDEO

SON DƏQİQƏ! Daxili İşlər Nazirliyinin əməkdaşları silah-sursat aşkar edib. - VİDEO

Daxili İşlər Naziri general-polkovnik Vilayət Eyvazov yeni əmr imzalayıb. - VİDEO

Bakıda mənzil dələduzluğu aşkar edilib. - VİDEO

Bərdədə narkotiklə bağlı növbəti əməliyyat keçirilib. Bərdə şəhər sakini yaxalanıb

Yevlaxda insanların istirahəti üçün nəzərdə tutulmuş ərazidə görün nələr gəzir? - VİDEO

Yevlax İcra Hakimiyyəti hara baxır? Nə qədər demək olar ki, bu biabırçılığı yığışdırın. Şəhəri qoyun sürüləri götürüb

Yevlaxda "Ramazan bayramı" münasibətilə 77 yaşlı polkovnik ziyarət olunub.

Bakı Limanının yük dövriyyəsi 20 % artıb

İqtisadiyyat

Oxunub: 440

18 Ock 2021 | 14:22

Bakı Limanının yük dövriyyəsi 20 % artıb

2020-ci ildə “Bakı Beynəlxalq Dəniz Ticarət Limanı” QSC-də (Bakı Limanı) bütün xidmətlər üzrə nəzərə çarpacaq artım müşahidə olunub.

Bu barədə "Report"a Bakı Limanından bildirilib.

Məlumata görə, Transxəzər Beynəlxalq Nəqliyyat Marşrutunun mühüm hissəsi olan limanda ümumi yükaşırmanın həcmi 4.8 milyon tondan çox olubdur ki, bu da 2019-ci ilin müvafiq göstəricisindən 20% çoxdur. Tranzit yüklərin payı ümumi yükaşırmanın 87%-ni təşkil edib.

2020-ci ildə aşırılan iri həcmli nəqliyyat vasitələrinin (TIR) və konteynerlərin sayı son 30 ilin rekord səviyyəsində olmuşdur. Hesabat dövründə iri həcmli nəqliyyat vasitələrinin (TIR) sayı keçən ilin müvafiq dövrünə nisbətən 28% artaraq 43 218 ədəd olub. Bunlardan 27 934 ədədi (65%) Bakı-Türkmənbaşı-Bakı, 15 284 ədədi isə (35%) Bakı-Kurık-Bakı istiqamətində hərəkət edibdir. Aşırılan konteynerlərin sayında isə 15% artım qeydə alınıb və TEU ekvivalentində 40 345 konteynerə çatmışdır. Quru yük terminalında aşırılan yüklərin həcmi isə 2,8 dəfə artaraq 711.7 min ton təşkil edib.

Beləliklə, son 5 illə müqayisədə iri həcmli nəqliyyat vasitələrinin (TIR) aşırılmasında 5 dəfə, konteynerlərdə 3 dəfə, quru yük terminalında isə aşırılan yüklərin həcmində 3,5 dəfə artım qeydə alınıb.

Digər ciddi artımlardan biri isə Dübəndi neft terminalında aşırılan neft və neft məhsullarının həcmində qeydə alınıb. Belə ki, 2020-ci il aşırılan neft və neft məhsullarının həcmi 2019-cu ilə nisbətən 1,5 dəfə artaraq 498 577 ton təşkil edib.

Bakı Limanının Bərə terminalında vaqon aşırılmasında qismən azalma müşahidə olunub. Belə ki, 2019-cu ilə nisbətən 2020-ci ildə vaqon aşırılması 15% azalaraq 37 447 ədəd olub. Bunlardan, 19 761 vaqon Bakı-Türkmənbaşı-Bakı (53%), 17 686 vaqon isə Bakı-Kurık/Aktau-Bakı (47%) istiqamətində hərəkət edib.

2020-cu ildə COVID-19 pandemiyası ilə bağlı sərhədlərdə tətbiq olunan məhdudlaşmalar səbəbindən sərnişin daşınmasında azalma olub və 25 609 nəfər təşkil edib.

Bakı Limanında peşəkar tibb personalı COVID-19 pandemiyası ilə bağlı analizlərin götürülməsini operativ şəkildə təşkil edib və analoji təcrübə ən çox xarici sürücülərin daxil olduğu “Qırmızı Körpü” sərhəd-keçid məntəqəsində də tətbiq edilib. 2020-ci ildə 21 599 nəfər beynəlxalq yükdaşıma iştirakçısı (TIR sürücüsü), onlardan, 14 411 nəfəri Bakı Limanında, 7 188 nəfəri isə “Qırmızı Körpü”də COVID-19 testindən keçib.

Şahidi olduğunuz hadisələri çəkib bizə göndərin!

Keçid et